Një aeroplan pasagjerësh në Japoni është kthyer në aeroportin ku ishte nisur, pasi gjatë fluturimit u gjet një çarje në dritaren e kabinës.
Siç raportohet, aeroplani “Boeing 737-800” kishte pasur një plasaritje në pjesën e jashtme të katër shtresave të dritareve të kabinës, transmeton Telegrafi.
“Plasaritja nuk ishte diçka që ndikoi në kontrollin apo presionin e fluturimit”, deklaroi një zëdhënës i linjës ajrore.
Nuk pati të lënduar në mesin e 59 pasagjerëve dhe gjashtë anëtarëve të ekuipazhit, shtoi zëdhënësi. /Telegrafi/