Dhe nuk kanë vonuar edhe matjet e bëra nga përdoruesit dhe punëtorët e IPKO-së të cilët kanë shpërndarë disa foto në të cilat shihet se nga matjet e bëra në Speedtest, shpejtësia e arritur me 4G ka tejkaluar 100Mbps.
Në fakt, në cicërimën e shpërndarë nga drejtuesi i marrëdhënieve me publikun në IPKO, Alban Kastrati shihet se shpejtësia e arritur me 4G të IPKO ka shkuar në 102.16 Mbps.
Por duhet ditur se për ta përdorur rrjetin e shpejtë 4G në telefon me secilin nga dy operatorët tanë mobil duhet që ta keni SIM kartelën e 4G si dhe telefonin apo tabletin që e mbështet këtë rrjet.
Në njoftimin zyrtar të kompanisë IPKO është thënë se rrjeti i saj 3G dhe 4G së shpejti do të shtrihet në më shumë se 80% të popullsisë së Kosovës, prandaj nuk duhet të brengoseni për mbulueshmërinë e këtij rrjeti dhe kësaj shpejtësie të internetit në telefon, të cilën me sa duket do të mund ta përdorni kudo nëpër Kosovë. (Telegrafi)
Need super-fast internet on smartphone? Move to Kosovo and then choose #IPKO 4G/LTE for 100Mbps+ #fact @IPKOTelecom https://t.co/I021yZn2GW
— albankastrati (@albankastrati) December 10, 2015
