Shenjat me të cilat të dashurit tuaj të ndier komunikojnë, të treguara nga një ndërmjetës shpirtëror.
Të vdekurit përpiqen çdo ditë të krijojnë mënyra komunikimi, por që të arrijnë tek ne, duhet të jemi të hapur dhe duhet fillimisht të dimë të lexojmë shenjat që na japin.
James Van Praagh është një ndërmjetës shpirtëror, autor i disa librave-manualë mbi shpirtin. Ai ka treguar sesi, sipas tij, mund të kuptojmë se njerëzit e dashur që i kemi humbur, komunikojnë me ne.
‘Kur komunikoj me shpirtërat e njerëzve, një ndër mesazhet më inkurajuese që më japin, është se ata janë ende pranë nesh, dhe vdekja është thjesht një iluzion’, shkruan Van Praagh. Sipas tij, ndonëse fizikisht i kemi humbur, shpirtërat e tyre e vazhdojnë rrugëtimin ndaj, të dashurit tanë munden të jenë gjithmonë me ne, të na ndihmojnë dhe të na udhëheqin.
Të vdekurit përpiqen çdo ditë të krijojnë mënyra komunikimi, por që të arrijnë tek ne, duhet të jemi të hapur dhe duhet fillimisht të dimë të lexojmë shenjat që na japin. Ja cilat janë këto shenja, sipas ndërmjetësin James Van Praagh:
Ëndrrat
Një prej mënyrave më të qarta sesi ata na flasin, është nëpërmjet ëndrrave. Nuk keni përse të frikësoheni aspak prej tyre; është një mënyrë e mrekullueshme për ta që të munden të kalojnë kohë me ne, duke na ardhur në ndihmë dhe duke na dhënë mbështetje.
Mirazhet
Nëse ju duket se shihni imazhin e një të afërmi që ka ndërruar jetë kur jeni përgjumësh por edhe i vetëdijshëm, do të thotë se ai po përpiqet të komunikojë me ju. Imazhi mund të jetë i tejdukshëm, gjysmë i tejdukshëm por edhe i plotë, dhe mund të shfaqet edhe si shëmbëlltyrë në pasqyrë, dritare apo edhe teksa ia keni ngulur sytë dikujt tjetër.
Aromërat
Kur një aromë ju kujton në mënyrë të pashpjegueshme dikë që nuk është më, do të thotë se ai është aty. Mund të jetë një parfum, një lule, apo edhe cigare- gjithçka që u sjell ndërmend njeriun që keni humbur, por në të vërtetë nuk e keni humbur.
Tingujt, muzika
Ndonjëherë mund të flasin drejtpërdrejt me ju, e ju i dëgjoni tek ju thërrasin, brenda mendjes suaj apo edhe jashtë saj. Mundet edhe t’ju paralajmërojnë për diçka. Edhe muzika është një shenjë e tyre për t’ju folur. Nëpërmjet një kënge në radio apo që ju vjen ju ndërmend, ata ju sjellin një këngë që ka një kuptim të caktuar në kohën kur keni nevojë për të.
Rastësitë me fat
Disa herë jeni ndier me fat sepse, pikërisht kur keni pasur nevojë për diçka, sikur dikush ua ka vënë me dorë përpara syve, shkruan Anabel. Këto bekime të cilat ndërmjetësi Van Praagh i quan ‘Rastësi të Zotit’ janë lutje që të dashurit tuaj të ndier i kanë bërë Zotit në momentet tuaja të vështira.
Ndjesia e një pranie
Kur ndjeni një energji të fuqishme në vendin ku jeni, mund të jetë shenjë e një shpirti që po përpiqet të komunikojë me ju. Mund të ndjeni një lloj paqeje, ose një rëndesë të beftë mbi krevat kur shtriheni; mund edhe të zgjoheni pikërisht në çastin kur njeriu i dashur ka ndërruar jetë.
Fluturat dhe zogjtë
Fluturakët janë gjallesat më të dashura për shpirtërat, të cilët i ndonjëherë i dërgojnë si përcjellës të mesazheve të tyre.
Ylberi
Kur në një datë të rëndësishme, në një përvjetor apo qoftë edhe në një ditë pasi keni kaluar një ‘stuhi’ del ylberi, mund të jetë shenjë e të dashurve që keni humbur. E ai do të jetë plot me ngjyra, i shndritshëm dhe i madh si asnjëherë më parë.
Numrat
Nëse ju ndodh të gjeni numra të njohur mbi kuponet, faturat, librat e revistat, mund të jetë ditëlindja e njeriut të ndier, i cili po përpiqet t’ju tregojë se është aty pranë jush.
Të ngjashmit me ta
Mund t’ju ndodhë të shihni dikë që i ngjan apo ua kujton njeriun që keni humbur, përgjithësisht në ditët kur e keni sjellë më shumë ndërmend. Në këto ditë, ai ju rikujton se është rrotull jush, dhe ju nuk jeni vetëm. /Telegrafi/