Edicioni i ri i garave do të hapet sot me ndeshjen e Superkupës që luhet në ‘Shahin Haxhiislami’ të Pejës, ndërmjet Feronikelit dhe Prishtinës.
Ky ballafaqim pritet të jep një lojë tejet të fortë, dhe se të dy skuadrat tashmë janë gati për ketë sfidë.
Kampionët në fuqi, ia kanë dalë të ruajnë ekipin më të cilën arritën titullin, madje, kanë angazhuar edhe sulmuesin më cilësorë Blerand Kurtishajn, derisa edhe Prishtina këtë verë ka sjell përforcime të mëdha siç janë ish-dyshja e Kombëtares shqiptare, Debatik Curri e Armend Dallku.
‘Nikeli’ si dhe Prishtina janë duke qëndruar në heshtje dhe larg mediave para sfidës së Superkupës, trofe të cilin e duan të dy skuadrat në mënyrë që sezonin e ri ta nisin më trofe, e që do të ishte një motiv shtesë për sfidat e edicionit të ri që pritet të jenë më të ‘nxehta’ si kurrë më parë, sepse nga viti i ardhshëm skuadrat tona do të luajnë në Evropë. Ballafaqimi mes Feronikelit dhe Prishtinës nis në orën 16:00.