Trajneri italian Antonio Conte tregon se është i kënaqur që i mbylli gojën të gjithë kritikave që mendonin se me këtë ekip Italia nuk kalonte as grupin.
“Jemi të kënaqur, besoj se kanë qenë të paktë ata që besonin se ne do të kualifikoheshim pas dy ndeshjesh të luajtura, madje kishte shumë nga ata që besonin se ne nuk do ia dilnim mbanë të ishim pjesë e 16 ekipeve që do kalojnë në fazën tjetër.
Conte më tej ka vlerësuar se lojtarët e tij, e kryesisht mbrojtjen e cila siguroi që Buffon të mos ndjehet asnjëherë i kërcënuar.
Jo vetëm tre pikëshi që siguroi kualifikimin, por edhe loja e treguar në dy ndeshjet e fundit sipas Contes po rikthen besimin e munguar tek një Itali që pak kush besonte. Gjithashtu ai thekson se edhe në ndeshjen e tretë lojtarët e tij do të zbresin për të marrë trepikëshin.
“Ne duam që të fitojmë edhe ndeshjen e tretë, kjo duhet të jetë e qartë. Ne jemi të uritur për fitore. Do fus në fushën e lojës një ekip që do kërkojë fitoren.
Italia ka 12 ndeshje radhazi pa humbje, 9 fitore dhe 3 barazime, një tjetër fakt që rrit shpresat e çdo tifozi italian për ngritjen e trofeut më 10 korrik në “Stade de France”.