Sulmuesi suedez ka bërë me dije se mund të qëndrojë edhe për një vit në Old Trafford.
Në vitin e tij të parë në Premier Ligë, Zlatan Ibrahimoviç ka shkëlqyer me fanellën e Manchester United, duke u shndërruar në një lider të skuadrës.
Të gjithë te United janë të kënaqur me paraqitjet e Ibras dhe tani kërkojnë që ai të vazhdojë qëndrimin me ‘Djajtë e Kuq’ edhe për një vit tjetër. Vet lojtari ka pranuar që është në bisedime me klubin.
“Jemi në bisedime me klubin, të shohim se çka do të ndodhë”, ka deklaruar Ibrahimoviç.
“Në kontratën time kam mundësinë për të vazhduar edhe për një vit tjetër dhe përderisa jam këtu dua që të jap më të mirën nga vetja. Për tjerat ka kohë të shohim se si do të rrjedhin gjërat”.
“Jam duke e shijuar çdo moment në këtë klub fantastik, njërin nga më të mëdhenjtë në botë, ku kam gjithashtu kënaqësinë të punoj me trajner të madh”, ka shtuar Ibra, duke iu referuar Jose Mourinhos, me të cilin ka punuar për një vit në kohën kur kjo dyshe ishte pjesë e Interit.