LAJMI I FUNDIT:

Zyrtarëve rusë u është thënë se duhet të ‘hedhin’ iPhone-ët e tyre

Zyrtarëve rusë u është thënë se duhet të ‘hedhin’ iPhone-ët e tyre
-->

Zyrtarëve rusë u është ndaluar të përdorin iPhone të Apple “për shkak të shqetësimeve rreth sigurisë”, kanë raportuar mediat ruse, shkruan SkyNews.

Sipas tyre, nënkryetari i parë i administratës presidenciale Sergei Kiriyenko tha se “telefonat ishin të qasshëm nga agjencitë e inteligjencës perëndimore”.

Telefonat duhet të hidhen deri më 1 prill, sipas gazetës Kommersant.

Kiriyenko u tha zyrtarëve në një seminar: “Gjithçka ka marrë fund për iPhone: ose hidheni ose jepjani fëmijëve”.

Zëdhënësi i Kremlinit, Dmitry Peskov ka thënë se ai nuk mund ta konfirmonte raportin, por se telefonat inteligjentë gjithsesi nuk mund të përdoren për qëllime zyrtare.

Siç kujton SkyNews, Vladimir Putin gjithmonë ka thënë se nuk ka telefon inteligjent, megjithëse Peskov ka thënë se Putin përdor internetin herë pas here.

Apple nuk i është përgjigjur menjëherë një kërkese për koment. /Telegrafi/