Zelensky zotohet të rikuperojë “tokën e humbur” pasi Rusia pushton Lysychanskun

Presidenti i Ukrainës, Volodymyr Zelenskyy, pranoi të dielën se forcat e Kievit ishin tërhequr nga qyteti strategjik në rajonin lindor të Donbasit pas një sulmi rus.

Por ai u zotua të rimarrë kontrollin mbi zonën me ndihmën e armëve perëndimore me rreze të gjatë.

Moska tha se marrja e Lysychansk nënkuptonte se kishte “çliruar” rajonin e Luhansk, më pak se një javë pasi pushtoi Sievierdonetsk fqinj, shkruan Euronews, përcjell Telegrafi.

Lysychansk ishte bastioni i fundit ukrainas në Luhansk, një objektiv kyç për Rusinë.

Marrja e tij do t’u sigurojë trupave të Moskës një bazë më të fortë nga e cila do të shtyjnë avancimin e tyre në Donbas – rajoni i vjetër industrial i minierave dhe fabrikave që Vladimir Putin është i vendosur të pushtojë.

Lexo po ashtu Ukraina thotë se beteja për Donbasin nuk ka përfunduar ende, publikon të dhënat e fundit rreth humbjeve ruse

Fokusi i fushëbetejës tani zhvendoset në rajonin fqinj Donetsk, ku Kievi ende kontrollon pjesë të territorit.

Në fjalimin e tij të natës të dielën në mbrëmje, Zelenskyy pranoi tërheqjen, por ishte i bindur se Ukraina nuk do të “hiqte dorë kurrë nga asgjë”.

“Ne do të kthehemi, falë taktikave tona, falë rritjes së furnizimit me armë moderne”, citohet të ketë thënë ai.

Zelenskyy këmbënguli se forcat e Kievit po “bënin përparim” diku tjetër, në zonat rreth Kharkiv në veri-lindje dhe Kherson në jug. “Do të vijë dita kur do të themi të njëjtën gjë për Donbasin”, shtoi ai.

Që nga braktisja e sulmit të saj në kryeqytetin Kiev, Rusia e ka përqendruar operacionin e saj ushtarak në qendër industriale të Donbasit që përfshin rajonet e Luhanskut dhe Donetsk, ku përfaqësuesit separatistë të mbështetur nga Moska kanë luftuar kundër Ukrainës që nga viti 2014. /Telegrafi/