Pas thirrjes së presidentit ukrainas Volodymyr Zelensky që t’ju ndalohet udhëtimi të gjithë rusëve, ka reaguar Kremlini.

Zëdhënësi Dmitry Peskov tha se “propozimi” ishte irracional – duke shtuar se Evropa fillimisht duhet të vendosë nëse dëshiron të paguaj faturat e Zelenskyt, transmeton Telegrafi.

Ai këmbënguli se nuk ka gjasa që rusët të izolohen nga pjesa tjetër e botës.

Kievi pretendon se 300 ushtarë rusë janë vrarë në 24 orët e fundit Kievi pretendon se 300 ushtarë rusë janë vrarë në 24 orët e fundit

“Mendim irracional dhe një peshim i gabuar. Kjo vetëm sa do të ndikonte më shumë negativisht. Çdo tentim për të izoluar Rusinë apo rusët është një proces pa perspektivë”, shtoi Peskov.

Zelensky citohet nga Washington Post, të ketë thënë se rusët do të duhej të detyroheshin të jetojnë në botën e tyre derisa të ndryshojnë filozofinë e tyre.

Reklama

Deri më tani sanksionet perëndimore kanë goditur kompani ruse dhe politikanë, por jo edhe qytetarët e rëndomtë rusë.

Reklama

Gjithçka kjo po ndodhë si pasojë e luftës së filluar në Ukrainë, ku forcat ruse vazhdimisht po bombardojnë qytetet ukrainase. /Telegrafi/