Vullnet Krasniqi ka bërë paraqitjen e parë televizive pas përfundimit të Big Brother VIP Kosova.
Ai u shpall finalisti i tretë, derisa çmimin e madh e rrëmbeu boksieri Drilon Rama.
I njëjti në Klan Kosova ka folur për eksperiencën e tij brenda dhe ka ndarë disa detaje për publikun.
“Më pëlqen të jem direkt. Në muajin e parë kam dashur të luaj një lojë, por kam thënë se do të dështoja se isha dalë sërish vetja. Nuk ka pasur çifte, nëse kish pas njëmend kish qenë në rregull”, u shpreh ai.
Tutje ai për çiftet brenda shtoi: “Nuk po e di, por mbetet për t’i parë tani. Kam parë disa tentativa. Më shumë prej zorit, kanë parë se çfarë po kërkohet. Unë kam parë strukturën e lojtarëve, kjo më ka garantuar se do të jetë gjatë”.
Vullneti ndër tjerash theksoi se banorët i janë frikësuar për shkak të qasjes që kishte me ta.
“Më janë frikësuar, nuk e di, por më duket pyetjet dhe mënyra ime ironike. E kanë pasur shumë zor me kuptu se si kam bërë shaka e kur seriozisht”.
Tha se tani do të vazhdojë sërish me profesionin dhe dëshiron që të fillojë me një emision. /Telegrafi/