Kryetari i Partisë Demokratike të Kosovës, Kadri Veseli në Ditën ndërkombëtare të të pagjeturve tha se kjo plagë e madhe e luftës po vazhdon të rëndojë mbi të gjithë.
Veseli në një postim në rrjetin social Facebook shkruan se të gjithë ata që i kanë shkaktuar këto dhimbje të mëdha popullit të Kosovës, duhet të marrin përgjigjen e merituar.
Lexoni të plotë postimin e Veselit në Facebook:
“Dita Ndërkombëtare e të Pagjeturve e gjen Kosovën me dhimbjen e saj të madhe.
Kjo plagë e madhe e luftës, e cila vazhdon të rëndojë mbi ne, duhet mbyllur sa më parë dhe ky duhet të jetë obligim i të gjithëve.
Të gjithë ata që i kanë shkaktuar këto dhimbje të mëdha popullit të Kosovës, duhet të marrin përgjigjen e merituar”. /Telegrafi/