Këshilltari i presidentit ukrainas, Anton Gerashenko, pretendon se në shpërthimet e mbrëmshme në Krime janë shkatërruar një numër i madh i aeroplanëve luftarakë.

Madje Gerashenko ka publikuar imazhe satelitore për ta dëshmuar këtë. Sipas tij bëhet fjalë për bazën ajrore në Krime ku mbrëmë pati shpërthime, transmeton Telegrafi.

Në fotografi, thotë tutje Gerashenko, gjenden 24 aeroplanë luftarakë të ushtrisë ruse – 12 SU-24 M dhe 12 SU-25CM.

Rusët nuk po ndalen së ikuri nga Krimea - publikohen pamjet e kolonave të gjata të veturave Rusët nuk po ndalen së ikuri nga Krimea - publikohen pamjet e kolonave të gjata të veturave

“Kjo është fotografia para shpërthimit. I gëzohem shumë asaj që u shkrep më pas”, ka shkruar në profilin e tij këshilltari i Volodymyr Zelensky.

Gjatë të martës në Krime ka patur shpërthime të vazhdueshme, fillimisht ndodhi në një depo municioni dhe më pas në bazat ushtarake të rusëve.

Reklama

Fillimisht askush nuk e merrte përgjegjësinë për këto sulme, por më vonë ushtria ukrainase bëri të ditur se bëhet fjalë për sulmet e një prej njësive më elitare të ushtrisë së Ukrainës. /Telegrafi/

Reklama