LAJMI I FUNDIT:

Turqia: Kosova duhet të ketë ushtri

Turqia: Kosova duhet të ketë ushtri

Republika e Kosovës duhet të ketë ushtrinë e vet ashtu si e kanë të gjitha shtetet e pavarura dhe sovrane, tha të premten ministri i Mbrojtjes i Turqisë, Ismet Yilmaz.

Ylmaz i cili po qëndron për një vizitë zyrtare në Kosovë ka vizituar Ministrinë e FSK-së, ku është takuar me ministrin, Agim Çeku.

Ministri i Mbrojtjes i Turqisë, Ismet Yilmaz gjatë takimit me Çekun shprehu gatishmërinë e shtetit turk për ta mbështetur FSK-në, në ta gjitha sfidat dhe objektivat e saj për tu bërë Ushtri e Kosovës.

Yillmaz tha se shteti i pavarur i Kosovës duhet t’i ketë të gjitha mundësitë, siç i kanë shtetet e tjera të pavarura, raporton RTK.

“Kosova është një shtet i pavarur, sovran dhe i barabartë në Ballkan. Kosova duhet t’i ketë mundësitë as më shumë e as më pak se shtetet tjera të rajonit. Qeveria e Kosovës duhet t’i këtë të gjitha mundësitë dhe forcën për ta udhëhequr vendin. Si çdo shtet sovran që ka institucionet e veta, siç janë gjykatat , ushtria edhe Kosova duhet t’i ketë këto institucione. Prandaj Turqia do ta mbështesë plotësisht Kosovën në fuqizimin e këtyre institucioneve”, theksoi ai.

Ndërkaq, duke folur për zhvillimet në veri të vendit dhe dialogu i cili po vazhdon në Bruksel, ministri turk Yilmaz tha se dialogu është e vetmja zgjidhje.

“Dera e dialogut duhet të mbahet hapur, dialogu duhet të vazhdoj edhe me tej. Konfliktet dhe grindjet e reja sjellin armiqësi të reja, ndërkaq kjo hapësirë gjeografike ka nevojë për paqe dhe stabilitet. Ne mendojmë se rruga e paqes është përmes dialogut”, tha ministri turk.

Ndërkaq, ministri i Forcës së Sigurisë, Agim Çeku, tha se FSK-ja çdo vit përfiton nga ndihma financiare në fushën e industrisë ushtarake, e të cilat shfrytëzohen për të blerë pajisje ushtarake nga Turqia.

“Kemi filluar që të pajisemi edhe me autoblinda tash për tash i kemi dy. Dhe shume shpejt brenda këtyre ditëve do t’i kemi edhe tri autoblinda. Është një lajm i mire që dha ministri… Dje Parlamenti i Turqisë ka aprovoi një ndihme financiare për FSK në rrafshin e industrisë ushtarake të Turqisë”, tha Çeku.

Ndryshe deri më tani në Akademitë ushtarake të Turqisë kanë mbaruar shkollimin 114 oficer dhe nënoficer të FSK-së. Momentalisht 14 pjesëtarë të FSK-së përfshirë edhe 6 kadet që janë duke u përgatitur për pilot të helikopterëve dhe mirëmbajtës. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Aktivisti i PSD-së i shkon në tavolinë deputetit të LVV-së: A po ju vjen marre që e pranuat

Aktivisti i PSD-së i shkon në tavolinë deputetit të LVV-së: A po ju vjen marre që e pranuat "Zajednicën", për Këshillin e Evropës...

Lajme
Vrasjet e fundit, ekspertët tregojnë lagjet më problematike të Prishtinës

Vrasjet e fundit, ekspertët tregojnë lagjet më problematike të Prishtinës

Siguri
Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori