Dinamikat e tregut të sotëm të punës diktojnë vazhdimisht një horizont gjithmonë e më të paqëndrueshëm. Të thuash se dinamikat e tregut aktual të punës janë të paparashikueshme është pak, sidomos kur presioni rritet ndjeshëm nën një konkurrencë gjithmonë e në rritje.
Duke marrë parasysh edhe faktin se tregu i punës në Kosovë është i limituar dhe papunësia është tejet e lartë, sidomos ndër të rinj, të gjithë pyesin veten se si mund të bëjnë ndryshimin dhe të veçohen nga të tjerët duke vërtetuar kualifikimet e tyre. Vendet e zhvilluara aplikojnë praktika të kulturës së punës siç janë çertifikimet nga instanca të akredituara ndërkombëtarisht për kualifikimet e tyre. Edhe pse në këtë regjion të botës shoqëria është pak ose aspak e njohur me standardet ISO,vlerat e mbartura nga këto kredenciale janë të pamohueshme dhe të vlefshme botërisht.
Standardet ISO janë norma ndërkombëtare të cilat vërtetojnë kualifikimet e një individi, organizate/kompanie, ose produkti/shërbimi. Për shembull, ISO 9001 është një çertifikim për cilësinë e një sistemi të menaxhimit, kurse ISO 27001 është çertifikim për sistemin e menaxhimit të sigurisë së informacioneve. Asete të tilla vërtetojnë se një kompani qëndron mbi konkurrentët, ndërsa një individ me anë të çertifikimeve të tilla rritë gjasat për punësim ose zhvillim të biznesit.
E thënë ndryshe, nëse një individ kërkon të çertifikohet me një standard të caktuar ISO, ai/ajo duhet t’i drejtohet një trupi çertifikues të akredituar i cili trajnon dhe teston individin për një standard të caktuar. Në mjaft vende të botës, si psh. Zvicra, Anglia, Gjermania etj., të pasurit një standard të caktuar ISO nuk është zgjedhje, por detyrim shtetëror në rast se një kompani apo individ kërkon të punojë si palë e kontraktuar nga qeveria përkatëse. E në këtë kuadër, largpamësit në Kosovë, të cilët e shohin të ardhmen e shtetit të tyre në Bashkimin Europian, por edhe që duan t’i sigurojnë vetes punësim cilësor, janë e do të jenë në avantazh të dukshëm nëse janë të pajisur më një çertifikim të përmasave të tilla, siç është ISO.
Prestigji i të pasurit një çertifikim të tillë, i cili shihet si një kualifikim tejet i avancuar nga cilado kompani apo organizatë (sidomos ndërkombëtare), mund të tingëllojë si një procedurë e paarritshme në shtetin tonë të vogël, mirëpo nëse hulumton mjaftueshëm, has në një kompani kanadeze e cila operon në mbarë botën, por që shumicën dërrmuese të personelit e ka në Kosovë. PECB (Professional Evaluation and Certification Board), ka rreth 1500 partnerë në 6 kontinente dhe më shumë se 20.000 individë të çertifikuar.
Është mjaft motivuese kur shikon se një kompani e përmasave të tilla, me një profil kaq specifik dhe prezencë mbarëbotërore operohet dhe mirëmbahet nga një staf entuziast dhe dinamik të rinjsh në Kosovë, dhe përveç emrit të mirë që i jep Kosovës nëpër botë, gjithashtu është gjithmonë në kërkim të punonjësve të rinj. Në këtë menyrë, jo vetëm që mund të punësohesh në një kompani, serioziteti dhe suksesi i së cilës janë të padiskutueshëm, por edhe mund të marrësh çertifikimete lartpërmendura të standardeve ISO për individë pa paguar çmimet e kripura.
Fokusi i PECB është gjithmonë investimi, mirëqenia dhe rritja profesionale e stafit të saj, me qëllim krijimin e një marrëdhënie me përfitim të ndërsjellët. Vlerësimi i aftësive, entuziazmit dhe kualifikimeve është kryefjala e praktikës së punës. Përvoja dhe zhvillimi profesional në një ambient ndërkombëtar si në PECB është një investim i pakrahasueshëm dhe një hap i padyshimtë për një karrierë të sigurtë. /Telegrafi/
Lufta Prigozhin - Putin
Më shumëAgjencia e Ushqimit del me sqarime lidhur me cilësinë e mishit në Kosovë
Fitoni dhurata ekskluzive nga Samsung në foleja.com
3, 2, 1 - Volvo gati për ty!
Nesër mbahet shitja e 65-të aseteve e Agjencisë Kosovare të Privatizimit
Kush t’rahaton me punë përveçse Telegrafi Jobs?
Veç thuj ej, EI Taxi është knej
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj