LAJMI I FUNDIT:

Thellohet kriza e Covid-19 te Lazio, infektohen edhe tre lojtarë tjerë

Thellohet kriza e Covid-19 te Lazio, infektohen edhe tre lojtarë tjerë

Tre lojtarë të Lazios humbën seancën stërvitore këtë mëngjes dhe disa prej tyre treguan simptoma të coronavirusit Covid-19, pretendojnë raportet në Itali.

Klubi nga kryeqyteti udhëtoi në Brugge për një ndeshje të Ligës së Kampionëve me vetëm 16 lojtarë të disponueshëm në fillim të kësaj jave.

Lazio konfirmoi se disa nga ata që e humbën ndeshjen kanë dalë pozitiv me Covid-19, por ata kanë refuzuar të zbulojnë identitetin e tyre.

Të tillë si Patric, Mohamed Fares dhe Jean-Daniel Akpa Akpro humbën trajnimin këtë mëngjes që u zhvillua pas një raundi të ri të testimeve për të gjithë ekipin.

Sipas mediumit Calciomercato.com, Patric dhe Fares kanë pasur simptoma që mund të lidhen me Covid-19, por rezultati i testeve të sotme do të dihet vetëm nesër (e shtunë).

Që nga sot, Lazio është pa lojtarë si Thomas Strakosha, Patric, Jean-Daniel Akpa Akpro, Danilo Cataldi, Mohamed Fares, Luis Alberto, Manuel Lazzari, Djavan Anderson, Ciro Immobile, Nicolo Armini, Luiz Felipe dhe Lucas Leiva.

Senad Lulic stërviti pjesërisht me pjesën tjetër të ekipit sot ndërsa Stefan Radu u kthye në fushë pasi që ai kishte stërvitur vetëm në palestër gjatë javëve të fundit.

Sipas protokollit të Serie A, një lojtar është në dispozicion për një lojë nëse rezulton negativ për Covid-19 në 48 orë para një ndeshje.

Lazio pritet të përballet me Torinon të dielën dhe loja do të vazhdojë me kusht që klubi Biancocelesti të ketë 13 lojtarë në dispozicion.

Megjithatë, klubi mund të kërkojë shtyrjen e lojës nëse kanë të paktën 10 lojtarë pozitivë me Covid-19 brenda një jave që kur u shfaq rasti i tyre i parë.

Raporte të shumta në Itali thonë se Lazio dëshiron të luajë kundër Torinos të dielën dhe, për momentin, klubi nuk është i etur të kërkojë shtyrjen e lojës. /Telegrafi/

Në trend Sport

Më shumë
“Ka pak Kosovë brenda meje, ndihem danez”, talenti që po mahnit Danimarkën nuk i konsideron Dardanët

“Ka pak Kosovë brenda meje, ndihem danez”, talenti që po mahnit Danimarkën nuk i konsideron Dardanët

Përfaqësuesja e Kosovës
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Ndërkombëtare

"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes

La Liga
Sacchi sugjeron katër nënshkrime të verës për Milanin dhe shpreson që Pioli të qëndrojë

Sacchi sugjeron katër nënshkrime të verës për Milanin dhe shpreson që Pioli të qëndrojë

Serie A
Guardiola i fiksuar pas nënshkrimit të yllit të Ligës Premier

Guardiola i fiksuar pas nënshkrimit të yllit të Ligës Premier

Premier League
Kalo në kategori