Artistja shqiptare me renome botërore, Ava Max, bëri bujë në tregun internacional me hitin “Sweet but Psycho”.

Kjo këngë e cila kaloi shifrën e një miliardë dëgjimeve në platformën Spotify, ka një tekst që flet për njerëzit e fiksuar ndaj një personi dhe që shndërrohen në përndjekës të tij/saj.

Për ironi të fatit, vetëm një ditë pasi u publikua, kjo këngë në një lloj forme u kthye “në realitet” për këngëtaren shqiptare.

Këtë e ka bërë të ditur vet Ava Max së fundmi në një intervistë për RAIN Magazine, duke treguar se si një fans i fiksuar i saj udhëtoi nga Franca për në shtëpinë e prindërve të saj në ShBA, duke insistuar të takohet me të dhe të bënte fotografi.

“Kam pasur kujtime të ëmbla për këngën ‘Sweet but Psycho’ duke biseduar me fansat e mi – duke parë videot e tyre që këndonin me këngën time. Kjo ka qenë e pabesueshme! Kur shkova për të udhëtuar, mësova aq shumë për çdo vend dhe se kam fansa në çdo vend. Kështu që, kjo më bën të ndihem më afër fansave të mi. Për kujtime psikologjike, unë pata një përndjekës që erdhi në shtëpinë e prindërve të mi vitin e kaluar ndërsa isha në turne. Unë isha në turne dhe ky djalë fluturoi nga Franca për të më kërkuar dhe ishte kaq i mërzitur. Ai kishte lule me vete dhe po insistonte që unë të bëja një fotografi para derës në shtëpinë time. Se në fakt ishte shtëpia ime. Nëna ime ishte aq qesharake. Ajo ma ngatërroi qëllimisht emrin kur ai e pyeti duke i thënë; ‘Pava? Jo, ne nuk e njohim atë’”, ka thënë Ava Max.

Ava Max (Foto: Mike Coppola/Getty Images/Guliver)

Tutje, artistja me prejardhje nga Qeparoi i Shqipërisë thotë se përkundër faktit që fansi i bezdisshëm sillej afër shtëpisë së saj vazhdimisht, babai i saj nuk e lajmëroi policinë.

“Jo, ai nuk e bëri. Përndjekësi qëndroi rreth e rrotull tërë ditën. Babai im nuk i thirri policët sepse ndihej keq për personin. Babai im është një person shumë i ëmbël. Babai im është nga ata që do t’u japë njerëzve edhe pesëdhjetë shanse kur gabojnë”, shtoi më tutje 25-vjeçarja.

Tre artistë shqiptarë të nominuar në eventin më të madh të ndarjes së çmimeve në Spanjë, Los40 Music Awards 2020 Tre artistë shqiptarë të nominuar në eventin më të madh të ndarjes së çmimeve në Spanjë, Los40 Music Awards 2020

Ava Max përndryshe është duke shijuar suksesin e albumit të saj të parë debutues në tregun e huaj, të titulluar “Heaven and Hell”. /Telegrafi/

Kopertina e albumit “Heaven and Hell” i artistes Ava Max (Foto: Ava Max/Instagram)