Luis Suarez ishte njëri nga sulmuesit më të kërkuar në afatin kalimtar të verës, për faktin se kishte mbetur futbollist i lirë pas largimit nga Atletico Madrid.

Sulmuesi uruguaian vendosi të rikthehet në vendlindjen e tij duke nënshkruar për skuadrën e fëmijërisë Nacional një kontratë pesë mujore.

35-vjeçari do të mbetet i lirë më 1 janar, derisa ai nuk e mendon rikthimin në Evropë.

Me shumë gjasa Suarez do ta vazhdoj karrierën në elitën e futbollit amerikan MLS.

“Unë ende nuk e di se çfarë do të bëj. MLS është një nga opsionet e mundshme, por për momentin po shijoj aventurën me Nacionalin”, tha fillimisht Suarez.

Reklama

“Një gjë është e sigurt: nuk do të rikthehem në Evropë. E kam mbyllur karrierën time atje, u largova krenar nga futbolli evropian. Kisha shumë opsione përpara se të rikthehesha te Nacionali, por pas Groningenit, Ajaksit, Liverpoolit, Barcelonës dhe Atletico Madridit, nuk mund të zhvilloja dot një karrierë më të mirë”.

Reklama

“Për këtë arsye nuk mund të shkoja te një ekip që ishte më pak i fortë se Atletico. Ishte një trajektore perfekte”.

“Më kuptim kishte rikthimi në Uruguai, jo sepse është një ligë e dobët, por për të mbyllur një cikël”, tha Suarez. /Telegrafi/