Biznesmeni rus Yevgeny Prigozhin, themelues i grupit famëkeq paramilitar Wagner, ka njoftuar se studenti nga Zambia që u vra në Ukrainë po luftonte me grupin e tij që konsiderohet si ushtria private e Vladimir Putinit.

Reklama

Zambia ka kërkuar përgjigje lidhur me vdekjen e 23-vjeçarit Lemekhani Nyirenda, i cili vuajti dënimin prej nëntë vitesh në Rusi, i cili ndërroi jetë në luftë gjatë shtatorit, transmeton Telegrafi.

Prigozhin ka konfirmuar se Nyirenda ishte rekrutuar nga grupi i mercenarëve Wanger, dëshmi tjetër që Rusia po dërgon në luftë ish-të burgosur dhe mercenarë nga vende të ndryshme të botës që ishin akuzuar për vrasje, përdhunime e kanibalizëm.

Reklama

“Po, më kujtohet ky djalosh mirë”, tha Prigozhin në një përgjigje të kthyer kur u pyet nga një gazetar nëse djaloshi nga Zambia po luftonte për Wagnerin.

Reklama

Ai shtoi se Nyirenda ka vdekur “si hero” dhe ishte një prej të parëve që u nis në fushëbetejë për të luftuar kundër ukrainasve.

Prigozhin dhe përfaqësues tjerë nga Wagner Group kanë shëtitur nëpër burgjet ruse, në kërkim të luftëtarëve që në këmbim do t’ju garantohej liria dhe pastrimi i dosjes nëse pranojnë të shkojnë në luftë në Ukrainë. /Telegrafi/