Reperi i njohur shqiptar, Arkimed Lushaj – Stresi, ka publikuar së fundmi këngën e tij më të re, “Gang shit”.
Kjo këngë vjen në bashkëpunim me reperët e rinj të estradës, One T dhe Anestezioni.
Kënga është punuar nga DualVox, gjersa tekstin e saj e kanë shkruar vet reperët.
“Gang Shit” është vizualizuar edhe me klip, i cili i është besuar regjisorit Sener Sahko.
Stresi përndryshe ka qenë një emër shumë i përfolur muajve të fundit, veçanërisht pas pjesëmarrjes së tij në protesta, për vrasjen e Klodian Rashës.
Në anën tjetër, ai nuk po i ndal projektet e shumta muzikore dhe bashkëpunimet e njëpasnjëshme me reperë të ndryshëm. /Telegrafi/
