LAJMI I FUNDIT:

Specialja dyshuese në aftësitë e Policisë së Kosovës, por i kërkon ndihmë kur i duhet

Specialja dyshuese në aftësitë e Policisë së Kosovës, por i kërkon ndihmë kur i duhet
Foto ilustrim

E asistuan Gjykatën Speciale në arrestimet e saj në Kosovë, por edhe në bastisje e operacione të tjera. Madje, së fundmi, Policia e Kosovës ishte pjesë e planit operativ për mbikëqyrjen e vizitës së Kadri Veselit në Kosovë.

Por, pavarësisht kësaj Gjykata e Apelit në Speciale me vendimin që krerët e UÇK-së të mos lirohen nga paraburgimi, ka shprehur dilema në kapacitetet profesionale të Policisë së Kosovës.

Gjyqtarët kanë shprehur dyshime se Policia nuk ka aftësi për të monitoruar komunikimet private të të akuzuarve nëse ata lirohen në arrest shtëpiak.

Me këtë qëndrim të Speciales nuk po pajtohen ekspertët në Kosovë.

Mentor Hoxhaj nga Komuniteti për Siguri Kibernetike e Privatësi, thotë se Kosova ka mundësi të kontrollojë komunikimet private nëse kërkohet.

“Instuticionet, legjislacionet përkatëse, kanë instrumente të nevojshme, legjislacioni i duhur për të kryer përgjim të ligjshëm. Ekziston sfida reale për sa i përket përgjimit të komunikimeve elektronike, një sfidë e cila lehtë zgjidhet nëse ndërprehet interneti apo të bëhet monitorimi i internetit”, shprehet Hoxhaj për RTK.

E ish-drejtori i Policisë së Kosovës, Sheremet Ahmeti, e vlerëson jo të drejtë dyshimin e Speciales, në kapacitetet e Policisë.

“Është e panevojshme me pas dilema, sepse Policia e Kosovës është profesionale dhe i realizon detyrat e tyre, më në fund EULEX-i është ndihmës në rast nevoje, por Policia është e gatshme t’i zbatojë të gjitha detyrat e veta. Ne kemi qenë në konferenca ndërkombëtare ku zyrtarë kanë dhënë ekspertizën para shumë kolegëve, në fushën e monitorimit të përgjimeve”, ka thënë ish shefi i Policisë, Sheremet Ahmeti.

Profesori i kriminalistikës, Fitim Shishani thotë se argumenti i Speciales është paradoksal.

“Secili institucion nga jashtë apo brenda, kur ka dëshirë ta dijë kapacitetin e Policisë së Kosovës është mirë ti drejtohet me një letër organeve kompetente si MPB apo Policia e Kosovës dhe të pyet a keni këso kapacitete dhe ata do të jepnin përgjigje. Argumenti tyre është pak paradoksal”, ka theksuar Shishani.

Dilemat e Speciales erdhën pas letrës që drejtori i Policisë, Samedin Mehmeti e kishte dërguar te ish ministri i Drejtësisë, Selim Selimi  ku ishte zotuar se mund të zbatojnë secilin vendim të Gjykatës.

Letër të cilën më pas, Selim Selimi e kishte dërguar në Gjykatën Speciale.

Nga Policia e Kosovës kanë thënë se nuk kanë çfarë t’i shtojnë letrës së drejtorit Mehmeti e shkruar muaj më parë.

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Lajme
Si ndikon dygjuhësia në zhvillimin neurokognitiv te fëmijët dhe roli i teknologjisë – shpjegon Pervizaj, mjeke Neuroshkencës Kognitive

Si ndikon dygjuhësia në zhvillimin neurokognitiv te fëmijët dhe roli i teknologjisë – shpjegon Pervizaj, mjeke Neuroshkencës Kognitive

Elfije Boletini
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Këshilli i Sigurimit i OKB-së refuzon serish propozimin rus të diskutohet për sulmet ajrore të NATO-s mbi Serbinë

Këshilli i Sigurimit i OKB-së refuzon serish propozimin rus të diskutohet për sulmet ajrore të NATO-s mbi Serbinë

Lajme
Kalo në kategori