Galeria e Ministrisë së Kulturës sjellë ekspozitën e radhës, më 20 prill 2017 me fillim nga ora 19:00.
“Passages” titullohet ekspozita e artistit Jean Pierre Romy, e cila përmban 30 punime, prej të cilave 16 janë skulptura dhe të tjerat pikturë.
“Vetëm duart, të mira dhe delikate, dëshmojnë precizitetin kuazi-kirurgjike të veprimit të tij, duart e dizajnerit që thërret koncizitetin dhe precizitetin e nevojshëm për praktikimin e sumos dhe kaligrafisë…” shprehet ndër tjera tekst shkruesi i katalogut, Dr. Daphne Laure Masliah.
“Për Romyn arti nuk është as elitist e as popullor, ai nuk i vë në pikëpyetje këto kushte. Arti është gjendje mendore dhe shpirtërore, si për krijuesin ashtu edhe për spektatorin [….] Është moment i përjetësisë të vjedhur nga koha që kalon, një pjesë e jetës sureale të gdhendur në shtrembërimin e hapësirës dhe kohës. Arti për të është si dashuria, një antidot kundër vdekjes” vazhdon tutje Masliah.
Kjo ekspozitë financohet nga Ministria e Kulturës Rinisë dhe Sportit e Republikës së Kosovë, drejtohet nga Dhurata Ramosaj-Shala, koordinatore e Galerisë së Ministrisë së Kulturës, ndërkaq kurator është Dardan Muriqi.
Ekspozita “Passages” do të qëndroj e hapur në GMK deri më 15 maj 2017.
Ndryshe, Jean Pierre Romy është lindur në Egjipt nga një familje spanjolle-ruse, me prejardhje hebreje dhe i rritur në Francë. Ky artist zviceran u detyrua të shkojë në mërgim në Spanjën e Frankos para se të vendosej në Gjenevë.
Pasi studioi ekonomi dhe shkencat sociale në Universitetin e Gjenevës dhe në Institutin e Studimeve Ndërkombëtare, ai filloi një udhëtim nismëtar i cili e çoi në mbarë botën. Nga kjo përvojë, ruajti lidhje bashkuese me Lindjen e largët, e cila lulëzoi në “Kaligrafitë imagjinare”.
Si skulptor i paqes, nën patronatin e Kombeve të Bashkuara, ai krijoi Monumentin e Paqes në Pekin, në kujtim të pesëdhjetë vjetorit të Republikës Popullore të Kinës. Gjithashtu u përzgjodh nga UNESCO që të inaugurojë Vitin 2000, Vitin e Kulturës për Paqe, me një monument të quajtur “Vizim”.
E përmbylli vitin 2000, Vitin e Kulturës për Paqe, duke krijuar “Trofetë e Paqes” dhe duke ua dorëzuar, së bashku me UNESCO-n, dy kampionëve botërorë të shahut në Nju Delhi dhe Teheran në dhjetor të vitit 2000.
Në Paris, ai inauguroi kalimin në mijëvjeçarin e ri me Metaforat me vetura, të simbolizuar nga automjetet bashkëkohore, të kthyera kah qielli, me fytyrë Katedralja e Notre Dame duke treguar simbolet e 5 shqisave të jetës.
Punimet e Romyt mund të gjendet: në Pekin (Chaoyang Park dhe selia e UNESCO-s); në Passy (Plateau d’Assy), në Rrugën e Skulpturës Bashkëkohore; në Chamonix; në Cavalaire sur Mer; në Gjenevë në Fondacionin Knox; Në Rolle (dalja e Lozanës); Revue “The Best”, dhe jo vetëm. /Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel