LAJMI I FUNDIT:

Si rrallëherë në kohë lufte në Ukrainë, Zelensky kritikon Klitschkon

Si rrallëherë në kohë lufte në Ukrainë, Zelensky kritikon Klitschkon

Volodymyr Zelensky ka kritikuar kryebashkiakun e Kievit për sigurimin e strehimoreve emergjente, në shenjë pakënaqësie që rrallë shihet midis liderëve ukrainas që nga fillimi i pushtimit rus.

Presidenti ukrainasi tregoi se Vitali Klitschko, legjenda e boksit e kthyer në politikan, nuk kishte bërë mjaftueshëm për të ndihmuar banorët e kryeqytetit të përballen me goditjet më shkatërruese të luftës të Moskës.

Paralajmërimi i Putinit për nënat ruse – përditësime të drejtpërdrejta të luftës, raporton skynews.

Shumica e rajoneve anembanë Ukrainës janë ndikuar nga ndërprerjet e energjisë elektrike këtë javë, dhe ndërsa gjashtë milionë personat e prekur aktualisht janë ulur nga kulmi prej 12 milionë disa ditë më parë, Zelensky tha se “problemet më të mëdha” ishin në Kiev.

“Për fat të keq, autoritetet lokale nuk kanë performuar mirë në të gjitha qytetet”, tha ai në fjalimin e natës.

“Në veçanti, ka shumë ankesa në Kiev. Për ta thënë butë, nevojitet më shumë punë”, pohoi ai.

Zelensky tha se shumë nga banorët e qytetit kishin mbetur pa energji “për 20 apo edhe 30 orë” dhe bëri thirrje për “më shumë mbështetje” dhe “punë cilësore” nga zyra e kryetarit. /Telegrafi/