Kombëtarja e Shqipërisë ka shënuar ngritje për një pozitë në ranglistën e re të publikuar nga FIFA.
Ajo tani renditet në vendin e 35, duke lënë prapa, Serbinë në vendin e 50, Greqinë, Malin e Zi dhe Maqedoninë.
Ky ndryshim në renditjen e re të FIFA-s vjen pas dy ndeshjeve miqësore të zhvilluara në mars. Kuqezinjtë humbën nga Austria, por shënuan fitore kundër Luksemburgut.
Vendin e parë e mban Belgjika, e pasuar nga Argjentina, Spanja e Gjermania, kurse top pesëshen e përmbyll Kili. /Telegrafi/
