Ministri rus i Mbrojtjes, Sergei Shoigu, ka thënë sot se fokus i investimeve gjatë vitit të ardhshëm do të jetë infrastruktura për armë bërthamore, që përfshin ndërtimin e depove të reja në të cilat do të vendosen raketat e reja.

Reklama

“Në përgatitjen e listës së sipërmarrjeve kryesore të ndërtimit, ne do t’i kushtojmë vëmendje të veçantë ndërtimeve në interes të forcave tona strategjike bërthamore”, shtoi Shoigu, transmeton Telegrafi.

Kujtojmë që të hënën Rusia pa ndonjë shpjegim ka shtyrë bisedimet me SHBA sa i përket armëve bërthamore, duke theksuar se ato mund të vazhdojnë në të ardhmen.

Traktati aktual për armët bërthamore i quajtur START, skadon në vitin 2026. E Shoigu komentoi edhe situatën me rusët e mobilizuar në luftën në Ukrainë.

Reklama
Reklama

Ai tha se 300 mijë rezervistë, përfshirë vullnetarët, i janë nënshtruar një trajnimi dymujor, që kur presidenti rus Vladimir Putin urdhëroi mobilizimin e pjesshëm.

Ministri rus pretendon se trajnimi është kryer në më shumë se 100 kampe për trajnim në Rusi dhe Bjellorusi, shtet fqinj ky i cili hapi kufijtë për ushtrinë ruse për ta sulmuar Ukrainën. /Telegrafi/