Shkencëtarët zbulojnë ‘alarmin për COVID-19’, pajisja mund të ‘nuhasë’ nëse dikush prezent ka infeksion brenda 15 minutash

Një ekip shkencëtarësh kanë zhvilluar një ‘sensor Covid’ i cili mund të zbulojë nëse dikush në dhomë është i infektuar me coronavirusin – brenda 15 minutash.

Sipas mediave të huaja, përcjell Telegrafi, teknologjia mund të sigurojë një mënyrë të përballueshme për të kontrolluar një numër të madh njerëzish në hapësira, duke përfshirë kabinat e avionëve, shtëpitë e kujdesit, klasat dhe zyrat.

Pajisja, e krijuar nga firma me bazë në Cambridgeshire, RoboScternal, përdor sensorë që mund të zbulojnë një erë të veçantë e cila rezulton nga ndryshimet kimike në lëkurë ose në frymëmarrjen e njerëzve të infektuar me Covid-19.

Siç shkruan DailyMail, virusi shkakton një ndryshim në përbërjet organike të paqëndrueshme (VOC) të cilat përbëjnë aromën e trupit – duke gjeneruar një ‘gjurmë gishtash’ e cila nuk mund të zbulohet nga njerëzit por mund të zbulohet nga pajisja kur thith aromën.

Pajisja, e cila mund të montohet në një mur ose tavan, është programuar të dërgojë automatikisht rezultate pozitive tek personi i caktuar përmes SMS ose email.

Megjithëse në fazat e saj të hershme, hulumtimi nga London School of Hygiene & Tropical Medicine dhe Durham University tregon se pajisja – që fillimisht pritet të kushtojë rreth 5 mijë funte (rreth 6 mijë euro) ka një normë saktësie midis 98 dhe 100 për qind.

Kjo do të nënkuptojë se ato janë shumë më të sakta se testet anësore të rrjedhës dhe po aq të sakta sa testet PCR.

Profesori James Logan, shefi i Departamentit të Kontrollit të Sëmundjeve në LSHTM, i cili drejtoi studimin, tha: “Këto rezultate janë vërtet premtuese dhe demonstrojnë potencialin për përdorimin e kësaj teknologjie si një test i shpejtë, jo invaziv me një saktësi të pabesueshme”.

“Sidoqoftë, kërkohet provë e mëtejshme për të konfirmuar nëse këto rezultate mund të përsëriten në mjediset e botës reale”. /Telegrafi/