0Shares

Një shef i drogës dhe shef i transportit të saj i cili jetoi si ‘një fantazmë’ për të shmangur drejtësinë, është dënuar me 32 vjet burg – për shkak të kontrabandës së 68 milionë funtave të kokainës dhe kanabisit në Britani.

Sipas mediave britanike, përcjell Telegrafi, James Mulvey u përpoq të “mashtronte” policinë duke mos qëndruar në një vend për një kohë të gjatë dhe duke bërë rezervime në hotele të ndryshme, për shtatë vjet.

Një gjë të tillë ai thuhet se shpeshherë e bënte duke e paguar me para, përmes palëve të treta.

Siç thuhet më tej, 42-vjeçari, me prejardhje nga Solihull në West Midlands, përdorte në mënyrë të vazhdueshme telefona celularë “për një përdorim”, duke e bërë të vështirë ndjekjen e lëvizjeve të tij.

Por pasi u zbulua dhe u arrestua në Lituani, ai u shpall fajtor për dy akuza: për sjellje të kokainës në Angli dhe kontrabandim të kanabisit, midis viteve 2006 dhe 2007.

Ai u dënua me burg për 32 vjet, nga të cilat ai do të shërbejë gjysmën para se ai të ketë të drejtën për lirim. /Telegrafi/

Të Ngjajshme
Shfaq Komentet (0)