Kremlini mund të planifikojë një “riemërtim” të pushtimit të Ukrainës pasi zyrtarët urdhëruan heqjen nga ndërtesat pankartat e mëdha me simbolet Z dhe V pro luftës.

Sipas www.thetimes.co.uk, përcjell Telegrafi, në Moskë, inspektorët i thanë Sergei Mironov, kreut të partisë “Rusia e Drejtë”, të hiqte një pankartë nga zyra e tij në qendër të qytetit, duke cituar ankesa “të shumta” nga anëtarët e publikut.

Veç kësaj, në Novosibirsk, qyteti më i madh në Siberi, zyrtarët vepruan pasi një adoleshent argumentoi me sukses se pankartat e varura në pjesën e jashtme të zyrës së kryetarit ishin në kundërshtim me rregulloret për reklamat publike.

Një flamur u hoq gjithashtu nga fasada e një zyre të veteranëve ushtarakë në Perm, në rajonin e Uraleve.

Pse Rusia përdorë shkronjë “Z” në mjetet luftarake në Ukrainë dhe çfarë do të thotë? Pse Rusia përdorë shkronjë “Z” në mjetet luftarake në Ukrainë dhe çfarë do të thotë?

Por zyrtarët rusë dihet se injorojnë ligjet e vendit kur u përshtatet atyre, dhe disa analistë tani po spekulojnë se heqja e banderolës mund të nënkuptojë se Kremlini ka vendosur të largojë simbolet famëkeqe në Ukrainë dhe Perëndim.

Shkronjat Z dhe V u vunë re për herë të parë në tanket dhe automjetet e blinduara ruse pak para fillimit të agresionit rus mbi Ukrainë, në fund të shkurtit.

Megjithëse ka shumë të ngjarë të përdorej fillimisht për qëllime identifikimi, zyrtarët rusë të mbrojtjes thanë më vonë se kuptimet e tyre ishin “Për fitore” dhe “Forca në të vërtetën”, megjithëse kishte ende interpretime të ndryshme rreth këtyre simboleve.

Megjithatë, këto simbole, sipas The Times, nuk kanë arritur të tërheqin publikun dhe mund të shihen më së shumti në zyrat qeveritare, organizatat pro-Kremlinit dhe makinat e policisë. /Telegrafi/