Moska zyrtare e ka riemërtuar zonën jashtë Ambasadës së SHBA-së me emrin e republikës separatiste pro-ruse në Ukrainën lindore.

Adresa e re është ndryshuar në “Sheshi i Republikës Popullore të Donetskut”, njoftoi të mërkurën zyra e Bashkisë së Moskës, shkruajnë mediat e huaja, përcjell Telegrafi.

“Ambasada e SHBA-së në Rusi ka marrë një adresë të re zyrtare”, thuhet në deklaratë. “Tani misioni diplomatik ndodhet në adresën e mëposhtme: Federata Ruse, qyteti i Moskës, territori i brendshëm i rrethit komunal Presnensky, sheshi i Republikës Popullore të Donetsk, ndërtesa 1, ndërtesat 1-9”.

Adresa e re u zgjodh pas rezultateve të një votimi publik me afro 280,000 pjesëmarrës, sipas bashkisë së qytetit.

Në maj, këshilltarët e Moskës propozuan të riemërtohej një nga rrugët e Moskës për nder të “mbrojtësve të Donbasit”.

Adresa e mëparshme e ambasadës ishte “8 Bolshoi Devyatinsky Lane”. /Telegrafi/