Ura, e cila lidh Krimenë dhe Rusinë, ka përjetuar trafik rekord në orët e fundit ndërsa njerëzit nxitojnë të largohen.

Ura u hap në vitin 2018, katër vjet pasi Rusia aneksoi Gadishullin e Krimesë, raporton skynews.

Lëvizja e dukshme e njerëzve vjen pasi u zbulua se një depo municioni kishte shpërthyer në afërsi të qytetit Dzhankoi mëngjesin e sotëm.

Mediumi britanik ka kuptuar se goditja është kryer nga forcat speciale ukrainase, megjithëse nuk ka pasur asnjë konfirmim zyrtar për këtë.

Ndërkohë, autoritetet e instaluara nga Rusia thonë se udhëtimet e trenave janë ndalur pasi linjat hekurudhore pësojnë dëmtime për shkak të goditjeve në të gjithë Krimenë.

Reklama
Rusët po ikin masivisht nga Krimea Rusët po ikin masivisht nga Krimea

Ndryshe, shpërthime të ngjashme në Krimenë që kontrollohet nga rusët janë shpeshtuar kohëve të fundit, forcat ukrainase po kryejnë operacione mirë të përgatitura duke i shkaktuar humbje të mëdha si në njerëz ashtu dhe në makineri luftarake Moskës.

Reklama

Ndër ta është edhe shpërthimi në një bazë ajrore, ku ukrainasit e bombarduan sikurse edhe selinë e ushtrisë private të Vladimir Putinit, Wagner, që u godit me sistemin e avancuar raketor amerikan HIMARS. /Telegrafi/