Ministri i Jashtëm i Rumanisë, Titus Corlatean ka thënë se Qeveria e Rumanisë në muajt e fundit ka mbajtur një qëndrim konstruktiv, që mundëson zhvillimin e proceseve evropiane në Kosovë.
Lidhur me qëndrimin e Rumanisë ndaj dialogut që po zhvillohet mes Beogradit dhe Prishtinës, kreu i diplomacisë rumune thekson se Rumania i përshëndet këto përpjekje të rëndësishme politike.
“Marrëveshja mes Beogradit dhe Prishtinës flet për një guxim të jashtëzakonshëm politik. Kjo marrëveshje mundëson normalizimin e marrëdhënieve në mbarë rajonin dhe është një hap historik, qëllimi i të cilit duhet të jetë integrimi në BE i të gjithë rajonit ballkanik. Ne në Rumani e njohim shumë mirë historinë e trazuar dhe shpesh të përgjakshme të Ballkanit”, tha shefi i diplomacisë rumune.
“Perspektiva e stabilitetit, demokratizimit dhe e anëtarësimit të përbashkët në BE është qenësore jo vetëm për rajonin, por për të gjithë Evropën. Në këtë frymë e kuptojmë ne marrëveshjen mes Beogradit dhe Prishtinës. Kjo është edhe arsyeja, përse Rumania e thotë qartë: ne më 28 qershor, në takimin zyrtar të radhës të Këshillit Evropian, do të kërkojmë një datë konkrete për fillimin e bisedimeve të antarësimit me Serbinë. Këtu ne shtojmë një element mjaft të rëndësishëm: duke marrë parasysh kriteret politike të antarësimit, kryesisht sa ka të bëjë me minoritetin rumun, pavarësisht nëse ai quhet rumun apo vllah”, tha Corlatean për DeutscheWelle.
Sipas shefit të diplomacisë rumune, shteti i tij, “në radhë të parë qeveria aktuale, në muajt e fundit ka mbajtur një qëndrim konstruktiv, që mundëson zhvillimin e proceseve evropiane në Kosovë”.
“Ne duhet të gjejmë një zgjidhje për harmonizimin e qëndrimit të shteteve anëtare – duke përfshirë këtu edhe qëndrimin e atyre vendeve, që deri më sot nuk e kanë njohur pavarësinë e Kosovës, për të mundësuar kështu fillimin e bisedimeve për Marrëveshjen e Stabilizim-Asociimit me Kosovën. (…) Këta janë hapa të rëndësishme, përmes të cilave afatmesëm arrihet qëllimi, i cili po ta krahasojmë, është po aq i rëndësishëm sa edhe projekti, që pas Luftës së Dytë Botërore në Perëndim të kontinentit çoi në Evropën e bashkuar: një projekt paqeje ky i bazuar në një projekt politik. Nëse ne vazhdojmë të punojmë me ambicie në këtë drejtim, ne në Evropën Juglindore, në Ballkan, do të mund të realizojmë një rajon evropian brenda BE-së, i cili të ofrojë në radhë të parë paqe, marrëdhënie të mira fqinjësie, stabilitet dhe mirëqenie", ka thënë Corlatean. /Telegrafi/
Promo
Reklamo këtuLufta Prigozhin - Putin
Më shumë“Të ngrehi zhag”, deklarata e bashkëshortes së Riza Muratit, e cila e ka denoncuar kapitenin e policisë për dhunë
Kosovari i arrestuar në kufi, Serbia pretendon se ishte pjesë e luftës, mohon OVL-UÇK
Kryeministri tha se marrëveshja e 2015-ës me Serbinë shkel Kushtetutën, reagon Mustafa: Është sajesë dhe gënjeshtër e Kurtit
Stano: Shqetësues arrestimi i zyrtarëve policorë të Kosovës nga Serbia
Një muaj paraburgim për shqiptarin nga Kosova të arrestuar në Serbi
Çka po synon Serbia me testimin e armëve në kufi me Kosovën, flasin ish-ushtarakët
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi