Destinacioni më i preferuar i kosovarëve për të kaluar pushimet, vazhdon të mbetet bregdeti shqiptarë. Por, jo rrallë, pushuesit nga Kosova kaluan edhe momente jo të mira, qoftë në plazhe apo edhe gjatë rrugës. Incidentet që kanë ndodhur gjatë kësaj vere, kanë qenë mjaftë të shpeshta. Një incident ndodhi edhe këto ditë, kur një autobus me studentë kosovarë, që ka qenë duke udhëtuar nga Kukësi drejt pikës kufitare të Morinit, është gjuajtur me gurë.
Ngjarja ka ndodhur në vendin e quajtur Rexhepaj, rreth 10 kilometra larg nga qyteti i Kukësit. Mirëpo, nuk është ky rasti i parë që u ndodh turistëve kosovarë, pasi javë me parë u raportua edhe për një familje kosovare që i ishte vjedhur vetura, duke i shkaktuar edhe lëndime trupore familjarëve që ishin brenda në veturë. Kurse, disa pushues tjerë ishin ndaluar në autostradë afër Pukës, nga njerëz të maskuar për t’u plaçkitur.
Policia e Kosovës ka disa vjet që po patrullon bashkë me Policinë e Shqipërisë, por, sipas marrëveshjes së bashkëpunimit që kanë policitë e dy vendeve, lejohet vetëm patrullimi dhe ruajta e sigurisë në komunikacion.
Lidhur me këto incidente, zëdhënësi i Policisë së Kosovës, Brahim Sadriu, thotë se është detyrë e policisë së Shqipërisë për t’i parandaluar.
“Këto raste që përmendët kanë ndodhur brenda juridiksionit të një shteti tjetër, kështu që Policia e Kosovës, përveç punës konform marrëveshjes, nuk mund të bëj diçka me shumë. Marrëveshja është e fokusuar në patrullimin e përbashkët në sektorin e sigurisë rrugore”, ka thënë Sadriu për Kosovapress.
Megjithatë, në këto incidente nuk ka pasur të lënduar. Mësohet se autobusi që është gjuajtur me gurë, i është thyer një prej xhamave të dritares së krahut të djathtë, por që ka tmerruar udhëtarët që kanë qenë brenda.
Me këtë rast ka filluar të merret Policia e Shqipërisë, derisa, sipas tyre, bëhet e ditur se në momentin e ngjarjes disa fëmijë kanë qenë duke kullotur bagëtitë, në pjesën e sipërme të rrugës.
Në Kosovë, para tri vjetëve, është hapur Shoqata e Turizmit Alternativ të Kosovës, e cila ka për qëllim të promovojë turizmin në Kosovë. Kjo shoqatë është e përbërë prej agjencioneve dhe hoteleve mbarë territorit të Kosovës.
Drejtori i Shoqatës së Turizmit Alternativ të Kosovës, Baki Hoti, thotë se nuk do të duhej të ndikonin incidentet e kohëve të fundit që turistët nga Kosova të mos shkojnë në bregdetin shqiptar, derisa thotë se dy vendet – edhe Kosova, edhe Shqipëria – do të duhej të bënin më shumë që këto incidente mos të ndodhin.
Hoti ka shtuar se Policia e Kosovës është duke e bërë një punë të mirë për sigurinë e turistëve që vinë në Kosovë, por, gjithashtu, sipas tij, edhe policia e Shqipërisë po e bënë një punë të mirë, ndonëse thotë se duhet bërë më shumë.
Gjuajtja e autobusit apo edhe automjeteve të tjera me gurë nuk është një fenomen i ri, pasi shpeshherë turistë të ndryshëm bien pre e këtyre veprimeve, duke ndikuar negativisht jo vetëm tek turistët, por edhe vetë sezonin turistik.
Qytetarët kanë vlerësime të ndryshme rreth incidenteve që po ndodhin me turistët kosovarë të cilët po e vizitojnë bregdetin shqiptarë. Hysen Pantina thotë se incidentet e tilla shkaktojnë pasiguri dhe për këtë shteti shqiptar duhet të mendoj.
“Ata vet duhet me i ditë ato sene, sepse ju kushtojnë edhe atyre, jo veç neve. Sa shkojmë ne në Ulqin, në Greqi në Turqi, më mirë shkojmë këtu më afër”, ka thënë Pantina.
Ndryshe mendon qytetari Ramiz Kadriu, i cili thotë se incidentet që kanë ndodhur kohë pas kohe në bregdetin shqiptarë, nuk duhet t’i ndalojnë turistët kosovarë.
“Në çdo shtet bëhen ato incidente. Të sigurt janë qytetarët kosovarë që të shkojnë, sepse ata (sulmuesit) janë një numër i vogël”, ka thënë Kadriu. /KP/Telegrafi/
Lufta Prigozhin - Putin
Më shumëPDK voton kryesinë e re - pësojnë ndryshime në pozita disa prej figurave të njohura të kësaj partie
Pamje nga të shtënat ku nisi konflikti në Prishtinë, ku humbën jetën dy persona
Një derë e re për drejtësi: Si do të mund t'i drejtohen kosovarët Gjykatës së Strasburgut?
Gjendet në një humnerë personi i raportuar si i zhdukur në Prevallë
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri
Juristat e UP-së të tretët në botë në garën ndërkombëtare për drejtësi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes