(E plotësuar 17:50) Presidentin e Këshillit Evropian, Herman Van Rompuy, ka thënë se Kosova me marrjen e Marrëveshjes së Stabilizim Asociimit, përforcon perspektivën e Kosovës drejt Bashkimit Evropian, ndërsa ka shtuar se me përmbushjen e kritereve do të hiqen edhe vizat për qytetarët kosovar. Ai ka përgëzuar kryeministrin e vendit, Hashim Thaçi për arritjen e marrëveshjes për normalizimin e marrëdhënieve mes Kosovës dhe Serbisë, njëherë duke kërkuar siguri që zbatimi i saj të ndodh në terren.
Pas ceremonisë së integrimit të Kroacisë në Bashkimin Evropian, zyrtari i lartë evropian ka zgjedhur Kosovën që të vizitoj dhe të takohet me krerët më të lartë të institucioneve të Kosovës.
Kryeministri i vendit, Hashim Thaçi gjatë të hënës ka pritur në një takim Van Rompuy, ku ky i fundit në emër të Bashkimit Evropian ka uruar Kosovën për fillimin e negociatave të MSA-së.
Van Rompuy ka theksuar se Kosova ka bërë një hap të madh në rrugëtimin e saj drejt Bashkimit Evropian, me marrjen e Marrëveshjes së Stabilizim Asociimit.
“Ai do të i mundësoj Kosovës që të nisë dialogun politik me Bashkimin Evropian dhe të arrij progres në reformat në drejtësi, në luftën kundër korrupsionit, në siguri, në politika ekonomike si dhe në fushën e bashkëpunimit në një varg fushash të gjëra. Marrëveshja do të përforcojë edhe më tej Kosovën në procesin e saj drejt integrimit në BE. E kuptoj rëndësinë e liberalizimit të vizave për qytetarët e Kosovës. Jam i impresionuar me punën që është duke u bërë për udhërrëfyesin për vizave, por kam besim se nëse zbatoni përpjekjet për të zbatuar këtë udhërrëfyes do të hiqen vizat”, ka theksuar Rampuy.
Ndërkohë duke folur për arritjen e marrëveshjes për normalizimin e marrëdhënieve mes Kosovës dhe Serbisë, ka thënë se ky është një themel për të ndërtuar të ardhmen e dyja vendeve.
“Dua që publikisht të përgëzoj kryeministrin Thaçi se u ngrit për të ju përgjigjur detyrës historike në rrugën drejt pajtimit dhe për një të ardhme të përbashkët me prosperitet me fqinjët tuaj. Ky ishte një themel i domosdoshëm nga i cili tani e tutje mund të ndërtoni. Pa këtë themel unë nuk do të isha sot këtu. Jemi të vetëdijshëm këto arritje vetëm duke i falënderuar përpjekjet e dyja palëve dhe jam mirënjohës për udhëheqësit e Kosovës dhe të Serbisë për përkushtimin e tyre ndaj dialogut për frymën e tyre të sinqertë dhe konstruktive në të cilën ata kanë punuar me ne dhe homologët e tyre përkatës. Tani e dini se duhet të sigurohemi se marrëveshja të zbatohet”, është shprehur ai.
Kryeministri i vendit, Thaçi fillimisht ka falënderuar Rompuy për lëvizjen e Kosovës drejt perspektivës evropiane, në veçanti atë negocimit të Marrëveshjes së Stabilizim Asociim të Kosovës.
Ai ka shprehur zotimin se Kosova do të përmbush të gjitha kriteret, në mënyrë që të hiqen vizat për qytetarët e Kosovës.
“Unë ju zotova edhe presidentit Rompuy se Kosova gjitha angazhimet që do ti ketë, do të implementojë të gjitha kriteret dhe standardet evropiane në një afat rekord në mënyrë që të lëvizim në hapa tjerë në kapituj tjerë drejt së ardhmes evropiane duke punuar edhe maksimalisht që sa më shpejt të ndodh edhe liberalizimi i vizave. Vullneti i popullit të Kosovës dhe vizionit politik të qytetarët e Kosovës është e ardhmja evropiane e Kosovës, prandaj jemi duke punuar me të gjithë dhe këtu është jashtëzakonisht me rëndësi i nderuari Rompuy se në Kosovë ka unitet të qëndrueshëm qytetar, por edhe politik e gjithë etnik për të ardhmen evropiane”, ka theksuar Thaçi.
Gjithashtu ai ka informuar Rompuy për implementimin e marrëveshjes së normalizimit të marrëdhënieve Kosovë-Serbi, për hapat konkret të cilët është duke i bërë.
Pas ratifikimit të marrëveshjes për normalizimin e marrëdhënieve Kosovë-Serbi në parlamentin e Kosovës javën e kaluar me 2/3 e deputetëve, Thaçi ka shtuar se Ligji për amnisti dhe gjitha përgjegjësitë që dalin nga kjo marrëveshje do të kryhen me kohë dhe nuk do të humbet as edhe një ditë.
Pas këtij takimi Rampuy ka zhvilluar një takim edhe me kryeparlamentarin, Jakup Krasniqi dhe presidenten e vendit, Atifete Jahjaga./Telegrafi /
—————————————————————-
(16.44) Presidenti i Këshillit Evropian, Herman Van Rompuy, ka deklaruar se Kosova ka bërë një hap shumë të madh drejt Bashkimit Evropian, duke punuar me zell për të arritur përpara.
Rompuy, gjithashtu tha se që nga vizita e parë e tij në Kosovë që e ka bërë në nëntor të vitit 2008 pas pavarësisë së Kosovës, po ndihet i lumtur që tani sërish e viziton Kosovën në një moment shumë të rëndësishëm.
“Ne vizitën time të parë këtu në Prishtine në nëntor të vitit 2008, kur iu adresova Kuvendit tuaj menjëherë pas shpalljes së pavarësisë në atë kohë isha vetëm kryetar i parlamentit belg dhe tani jam shumë i lumtur që iu vizitoj këtu në një moment shumë të rëndësishëm për vendin tuaj”, ka thënë Rompuy, raporton Kosovapress.
Rompuy, e ka përgëzuar kryeministrin Thaçi, për punën që e ka bërë deri sa është arritur marrëveshja Kosovë – Serbi, dhe tha se tani duhet të sigurohen për zbatimin e saj.
“Tani duhet të sigurohemi se kjo marrëveshje është e zbatueshme”, ka thënë Rompuy. Gjithashtu, ai tha se baronesha Ashton, ka luajtur një rol mjaft të madh për zbatimin e kësaj marrëveshje, e cila sipas tij, mundëson që Kosova të jetë e qëndrueshme ndaj BE-së. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Lumi Vjosa në UNESCO, Kumbaro: Aplikimi gati brenda vitit
Pronari i një kompanie në Tetovë thotë se është mashtruar, i janë marrë mbi 21.000 euro
AGK për raportin e Freedom House: Qeveria e angazhuar në fushata kundër gazetarëve, me përpjekje për politizim të KPM-së
Ndërtimi i tunelit në rrugën “Agim Ramadani” në Prishtinë, në fazën e prokurimit - Rama publikon pamjet
Anulohet orari i barnatoreve në Prishtinë - nuk do të ketë kufizime
Votoi pro Kosovës në Asamblenë Parlamentare të KiE-së, kërcënohet deputeti boshnjak
Shumica e vendeve të BE-së, pro heqjes së masave ndaj Kosovës
Numri i serbëve në Kosovë po zvogëlohet, por jo për shkak të “terrorit shqiptar”, Knaus: Pretendimet e tilla të Vuçiqit janë mashtrim
Dokumentari i televizionit Rai 3, reagon Rama: Sulmohet Meloni duke hedhur baltë mbi Shqipërinë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert