LAJMI I FUNDIT:

Roma shkatërron Milanin

Roma shkatërron Milanin

Stadio Olimpico ishte arena e kryendeshjes së xhiros së 18-të në Serie A, ku Roma e mposhti Milanin me rezultat 4-2.

-->

Skuadra vendase kaloi në epërsi nga një goditje me kokë e Nicolas Burdissos, i cili shënoi pas harkimit nga këndi të Miralem Pjanic (13’).

Francesco Totti dërgoi një krosim milimetrik në drejtim të Pablo Osvaldos dhe përsëri me kokë erdhi goli i dytë i Giallorossëve (24’).

Daniele De Rossi dërgoi një pasim të bukur drejt Erik Lamelas, ndërsa 20-vjeçari e bëri të qartë se kryeqytetasit e fituan takimin që në gjysmën e parë.

Totti e gjeti Federico Balzarettin në krahun e majtë dhe mbrojtësi harkoi në drejtim të Lamelas, i cili me kokë shënoi golin e dytë personal (61’).

Në minutën e 78-të, vendasit mbetën me një futbollist më pak në fushë, pasi Marquinhos u përjashtua me karton të kuq për ndalje me dorë të një rasti të qartë shënimi.

Kjo jobaraspeshë numerike në fushë u ndihmoi mysafirëve që të shënonin dy gola të shpejtë. Giampaolo Pazzini shënoi nga penaltia (87’), ndërsa Bojan Krkic realizoi nga loja e hapur (88’).

Me këtë fitore, Roma ngritet në kuotën e 32 pikëve dhe forcon pozitën e gjashtë në tabelë. Diferenca me pozitën e tretë që dërgon në Ligën e Kampionëve është vetëm tri pikë. Milani nga ana tjetër, mbetet në vend të shtatë me pesë pikë më pak se Roma. /Telegrafi/