Rikthehet coronavirusi në Kinë

Autoritetet kineze kanë zbuluar dy raste të infektimit me coronavirus, si dhe dy raste asimptomatike në qytetin Jingkou, i cili ka rreth 2.3 milionë banorë, njoftoi sot komiteti komunal për higjienën dhe shëndetin publik.

Të gjithë të infektuarit janë punonjës të së njëjtës kompani. Aktualisht, banorët e Jingkou, në Provincën Liaoning, këshillohen të mos largohen nga qyteti përveç në rast emergjence. Të enjten, provinca lindore e Anhui regjistroi tre raste të reja me COVID-19.

Një hetim epidemiologjik tregoi se një nga të infektuarit arriti në Provincën Dalian (Provinca Liaoning) më 1 maj. Pas kësaj, epidemiologët supozuan se sëmundja fillimisht u shfaq në atë rajon, raporton reuters.

Ekspertët lokalizuan 265 persona në Jingkou të cilët mund të kenë pasur kontakt me të infektuarit.
Gjatë testimit u zbuluan pesë teste pozitive. Aktualisht, 217 persona janë bërë në karantinë dhe autoritetet lokale kanë bllokuar daljet nga qyteti.

Siç është raportuar nga Komisioni Kombëtar i Shëndetit Kinez, autoritetet shtetërore zbuluan raste lokale të infeksionit në Kinë, në provincën e Anhui, për herë të parë në tre javë.

Deri më sot, katër raste të infeksionit janë konfirmuar atje – dy raste në qytetin e Hefei (tetë milionë banorë) dhe dy raste në qytetin e Luan (4.9 milion).

Kina së fundmi regjistroi 34 raste lokale të infeksionit: katër në provincën Anhui, dy në provincën Liaoning dhe 28 në provincën Yunnan në qytetin Juili në kufirin me Myanmar, ku një shpërthim i koronavirusit u shfaq në Prill. /Telegrafi/