Shtatë persona janë plagosur, pasi një raketë ruse goditi një objekt në qytetin Lozova të rajonit Kharkiv në Ukrainë.

Pamjet e publikuara më poshtë, shfaqin momentin kur raketa ruse godet objektin të cilin e hedh në erë, transmeton Telegrafi.

Në anën tjetër është bërë e ditur se forcat ukrainase po vazhdojnë me çlirimin e rajonit Kharkiv në lindje të Kievit, pasi që forcat ruse po tentojnë të bëjnë presion më të madh në Donbas.

New York Times publikon pamje rrëqethëse, pretendohet se janë dëshmi të reja që tregojnë sesi rusët kanë vrarë civilët në Bucha New York Times publikon pamje rrëqethëse, pretendohet se janë dëshmi të reja që tregojnë sesi rusët kanë vrarë civilët në Bucha

Këto pamje janë edhe një dëshmi sesi ushtria ruse e Vladimir Putinit nuk po zgjedh mjete për të ardhur deri të okupimi, madje bombardon shkollat, spitalet e zyrat e shërbyesve civilë.

Ndërkaq Moska vazhdimisht ka tentuar ta shtrembërojë të vërtetën, duke pretenduar se për cak kanë vetëm objektet dhe infrastrukturën e ushtrisë ukrainase.

E numri i civilëve të vrarë ukrainas dita-ditës po rritet, kjo si pasojë e sulmeve të pandërprera ruse. /Telegrafi/