Gjermania

Katër herë kampioni i Botës futet në këtë garë si një nga favoritët për ta fituar. Me një skuadër të rinovuar, por edhe yjet aktuale, Gjermania do të jetë një arrë e fortë për të gjithë.

 

  • Lajmet e Fundit
  • Profili
  • Lojtarët

Renditja në FIFA: 11

Historia në Kupën e Botës

Paraqitja e parë në Kupën e Botës: 1934

Paraqitja e fundit në Kupën e Botës: 2018

Arritja më e madhe në Kupën e Botës: Kampion i Botës (1954,1974,1990 dhe 2014)

Gjysmëfinale: 13 paraqitje

Finale: 8 paraqitje

Tituj të Botës: 4 herë kampion

Trajner: Hansi Flick

Më 25 maj të vitit 2021, Federata Gjermane e Futbollit njoftoi se Hansi Flick nënshkroi një kontratë trevjeçare nga 1 gushti 2021 për të shërbyer si trajner i ekipit kombëtar të Gjermanisë , dhe ai zëvendësoi ish-shefin e tij Joachim Löw pas Kampionatit Evropian.

Flick ishte më parë asistent te Kombëtarja e Gjermanisë, derisa debutimin si trajner i parë e bëri më 2 shtator të vitit 2021, ku mposhtën Lihtenshtajnin me rezultat të pastër 2-0 në një ndeshje kualifikuese për Kampionatin Botëror.

57-vjeçari në krye të Gjermanisë kaloi 10 ndeshje pa humbje, duke iu ndërprerë kjo seri më 23 shtator pas një humbje nga Hungaria.

Flick ka bërë ndryshime të mëdha duke afruar talente në ekipin kombëtar dhe ka bërë një përzierje me lojtarët me përvojë dhe këtë sezon synon të sjell Kupën e Botës në Gjermani.

Ylli i ekipit kombëtar: Joshua Kimmich

Joshua Kimmich është futbollisti kryesor i Gjermanisë, regjisori i kësaj kombëtare dhe njeriu që ndërton aksionet e ekipit të tij dhe shkatërron ato të kundërshtarëve.

27-vjeçari që nga viti 2016 është pjesë e Kombëtares A derisa ka zhvilluar deri më tani 71 ndeshje ku ka realizuar edhe pesë gola.

Me fanellën e Kombëtares, Kimmich ka fituar Kupën e Konfederatave në vitin 2017, derisa shpreson që këtë vit ta udhëheq drejt triumfit në Kupën e Botës.