Putin thotë se Rusia do të vendosë armë bërthamore taktike në Bjellorusi

Rusia do të vendosë armë bërthamore taktike në Bjellorusi, ka thënë presidenti Vladimir Putin.

Presidenti Putin tha se masa nuk do të shkelte marrëveshjet e mospërhapjes bërthamore dhe e krahasoi atë me SHBA-në që vendos armët e saj në Evropë, sipas mediave shtetërore ruse, raporton BBC, përcjell Telegrafi.

Regjimi bjellorus është një aleat i fortë i Kremlinit dhe mbështetës i pushtimit të Ukrainës.

Presidenti Putin i tha televizionit shtetëror rus të shtunën se lideri bjellorus Alexander Lukashenko kishte ngritur prej kohësh çështjen e vendosjes së armëve taktike bërthamore në Bjellorusi.

“As këtu nuk ka asgjë të pazakontë”, tha ai. “Së pari, Shtetet e Bashkuara e kanë bërë këtë për dekada. Ata kanë vendosur prej kohësh armët e tyre taktike bërthamore në territorin e vendeve të tyre aleate”. /Telegrafi/