Shkencëtarët kinezë kanë arritur me sukses të prodhojnë llojin unik të orizit, i cili rritet në ujë të njelmët, dhe i cili mund të ushqejë rreth 200 milionë njerëz në botë, transmetojnë mediat kineze.
Studimi është kryer në Qendrën për kërkim dhe hulumtim në Chingdao, ku shkencëtarët merren me rritjen e orizit rezistues ndaj ambientit të njelmët dhe alkal, në krahinën Shandong.
Orizi i quajtur juen mi, është prodhuar me ndihmën e ujit të Detit të Verdhë.
Ndryshe, mbi 50 për qind e popullsisë botërore dhe rreth 60 për qind e kinezëve konsumojnë oriz.
Sipas të dhënave të OKB-së, vitin e kaluar në botë kanë qenë 815 milionë njerëz të uritur, ose 38 milionë më shumë se sa në vitin 2015, andaj shtimi i sasisë së këtij ushqimi të rëndësishëm mund të zbusë urinë në vendet e prekura nga varfëria dhe mungesa e ushqimit.