Politikani i opozitës rus Vladimir Kara-Murza ka thënë se është trishtuese se si qeveria aktuale në Serbi është në shërbim të presidentit rus Vladimir Putin dhe sekretarit të Sigurisë Kombëtare, Nikolai Patrushev.
Kara-Murza po ashtu ka shprehur habinë që në këtë moment është ngritur çështja e përgjimit të opozitarëve rusë në Beograd.
“Është qesharake që Aleksandar Vulin tani ka reaguar, kjo ngjarje ishte shumë kohë më parë. Ju kujtoj se Vulin kishte fluturuar për në Moskë në fillim të majit 2021 duke i dorëzuar një transkript të bisedave tona sekretarit të Sigurisë, Nikolai Patrushev”, tha Kara-Murza.
Sipas tij, mediet serbe kanë raportuar se Patrushev e ka falënderuar personalisht Vulinin për informacionin e dorëzuar dhe më pas televizioni shtetëror Rusia 24 ka transmetuar një reportazh duke treguar se çfarë punë të madhe kanë bërë shërbimet sekrete serbe, ngase ata kanë dorëzuar “atë që bëjnë rusofobët”.
Kara-Murza shpjegon se Kremlini i vëzhgon ata që kundërshtojnë “regjimin autoritar dhe të korruptuar të presidentit Vladimir Putin”.
“Ne kemi mbajtur një seminar në Beograd në fillim të majit [2021] me kandidatët për këshilltarë që përfaqësonin opozitën. Ne u përpoqëm ta organizonim këtë në Moskë gjatë muajit mars, por u arrestuam të gjithë, 300 veta dhe na bënë të ditur se nuk mund të bënim më tubime të tilla në vend”, shpjegon ai.
Kara-Murza ka deklarauar pasi Vulin kishte shkuar në Moskë, njëri nga organizatorët ishte arrestuar.
“Vulin fluturoi për në Moskë në mes të majit dhe Andrei Pivovarov, me të cilin organizuam një seminar në Beograd, u arrestua në fund të majit dhe është ende në paraburgim nën akuzën për bashkëpunim me organizata armike”, deklaron Kara-Murza.
Pivovarov ishte drejtor ekzekutiv i organizatës Open Russia, e cila u themelua nga kritiku i Kremlinit, Mikhail Khodorkovsky dhe se Prokuroria ruse në vitin 2017 e kishte shpallur “agjente e huaj”. Ai ishte arrestuar nga anëtarët e Shërbimit Federal të Sigurisë së Rusisë (FSB) më 31 maj në Aeroportin e Shën Petersburgut.
Opozitari Kara-Murza vlerëson se fakti që Vulin dorëzoi transkriptin e bisedës te Patrushevi “ishte arsyeja për arrestimin e Pivovarovit”.
“Kam dëgjuar se Vulin ka ndërmend të më padit, mirëpo ai duhet të padisë shtypin serb para meje, pastaj Patrushevin, i cili e kishte falënderuar palën serbe për atë informacion dhe televizionin shtetëror rus”,
Ai në fund ka thënë se “është e trishtueshme të shohësh se si qeveria aktuale në Serbi është e gatshme të vrapojë vullnetarisht pas Putinit dhe Patrushevit”.
Serbia dhe Rusia në fshehtësi kanë formuar një grup të përbashkët pune për të luftuar kundër “revolucioneve me ngjyra”, detyra e të cilit është të shtyp demonstratat dhe organizimet masive të qytetarëve.
Përveç kësaj, një organ i përbashkët i autoriteteve serbe dhe ruse është caktuar që të mbikëqyrë liderët e opozitës, mediat e pavarura dhe organizatat e shoqërisë civile.
Për më tepër këto dy vende, janë duke u munduar aktivisht që protestat qytetare dhe kundërshtimin e ndryshëm opozitar dhe të opinionit publik në vendet e tyre, ta lidhin pa fakte me ndikimin e aktorëve të ndryshëm të huaj, me qëllim të njollosjes së aktiviteteve që kundërshtojnë qeveritë e tyre. /Telegrafi/
Lufta Prigozhin - Putin
Më shumëObama dhe Clinton i dalin në ndihmë Bidenit - një foto me tre presidentët amerikanë do të kushtojë 100 mijë dollarë
Mercenarët rus të Wagner po vrasin civilët në Mali
I kishin vendosur për ukrainasit, e pësuan vetë – rusët hidhen në erë nga minat që bashkëluftëtarët e tyre i kishin montuar për ushtarët e Kievit
Publikohen pamjet tronditëse teksa hajduti sulmon me thikë një person në mes të ditës në Londër
Mbështetësit e PKK-së kurde sulmojnë punonjësit e aeroportit në Paris – tentuan të parandalojnë ekstradimin e anëtarit të PKK-së në Turqi
Ukrainasja bëhet simbol i rezistencës, pavarësisht se rusët ia bombarduan lokalin në Kiev – ajo vazhdon të shërbejë kafe
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes