Turmat e pasagjerëve arritën në stacionin e trenit në Wuhan të shtunën pasi qyteti kinez me 11 milionë banorë që ishte “Pika zero” për atë që u bë pandemia globale e coronavirusit, u rihap pjesërisht pas më shumë se dy muaj izolimi.

Siç shkruan Euronews, përcjell Telegrafi, Wuhan u vendos në bllokim në janar me banorët e ndaluar të largoheshin, me postblloqe rrugës duke rrethuar rrethinat e qytetit dhe me kufizime drastike në jetën e përditshme.

Dhe për të sinjalizuar fundin e izolimit të gjatë, treni i parë i pasagjerëve i sanksionuar zyrtarisht u kthye në qytet menjëherë pas mesnatës.

“Po më duket sikur po kthehem në një tokë të huaj, sepse nuk jam kthyer për më shumë se dy muaj. Kështu që unë me të vërtetë dua të hedh një vështrim”, thotë Gao Xuesong, një punëtor në industrinë e automjeteve në Wuhan.

Megjithatë, Kina tani po lufton për të kontrolluar një valë rastesh të importuara pasi infeksionet ende ekzistojnë jashtë vendit.

Njerëzve tani u lejohet të hyjnë në qytet, por jo të largohen, dhe shumë trena ishin rezervuar plotësisht ditë më parë.

Ndërsa udhëtarët u mblodhën për të dalë nga stacioni, punëtorët me kostume hazmat kërkojnë që kushdo që kthehet nga jashtë për të dalë përpara.

Të gjithë ardhësit në Wuhan duhet të tregojnë një “kod të gjelbër” në një aplikacion mobil për të vërtetuar se janë të shëndetshëm.

Gjithashtu pasagjerëve në Shanghai ua kontrolluan temperaturat e tyre nga stafi në syze dhe maska pasi hipnin në shërbimin e tyre të mëngjesit të shtunë.

Kufizimet për banorët që shkojnë nga Wuhan nuk do të hiqen deri më 8 prill, kur aeroporti gjithashtu do të rihapet edhe për fluturimet e brendshme.

Wuhan është zona e fundit e provincës Hubei që sheh largimin e kufizimeve të udhëtimit në tokë, megjithëse disa autostrada që çojnë në qytet tashmë ishin rihapur.

Siç bëhet e ditur më tej, shërbimet e trenave të mallrave Kinë-Evropë gjithashtu rifilluan duke lejuar më shumë mallra siç janë furnizimet mjekësore dhe nevojat ditore të rrjedhin më me efikasitet midis dy rajoneve.

Kështu, të Shtunën në mëngjes, një tren që mbante 50 kontejnerë ngarkesash u largua nga stacioni i Wuhan për të arritur në Duisburg, Gjermani brenda 15 ditësh.

Një studim këtë javë zbuloi se bllokimi në Wuhan arriti të ndalojë virusin të përhapet shpejt dhe u dha ambienteve të kujdesit shëndetësor mundësinë e reagimit, por paralajmëroi që qyteti të mos hapet shumë shpejt.

Liu Dongru, nga Komisioni i Shëndetit Hubei, tha se megjithëse Wuhan ishte riklasifikuar si zonë “me rrezik të ulët”, puna për të kontrolluar virusin duhet të vazhdojë.

“Rastet e raportuara me zero nuk thonë se edhe rreziku është i barabartë me zero”, ka thënë ai. “Ne kemi edhe më shumë një përgjegjësi për të bërë punë parandaluese dhe kontrolli, me vështirësitë në rritje”.

Ndryshe që nga fillimi i përhapjes, deri më tani bota ka parë mbi 600 mijë raste të të prekurve dhe më shumë se 28 mijë që kanë gjetur vdekjen nga coronavirusi. /Telegrafi/