Për shkak të coronavirusit, vajza e Ozzy Osbourne nuk i takoi prindërit për tri javë – edhe kur i vizitoi nuk guxoi t’u afrohej

Kelly Osbourne e ka publikuar një fotografi në Instagram nga vizita që u ka bërë prindërve pas ndarjes trejaveshe, duke thënë se babait të saj, Ozzy Osbourne, më së shumti i pengonte fakti që nuk mund ta përqafojë.

Si pasojë e pandemisë së coronavirusit, Kelly kishte qëndruar e ndarë nga prindërit për tri javë. Mirëpo, edhe kur janë takuar, është dashur ta ruanin distancën dhe nuk kanë mundur të përqafohen për shkak të rrezikut të mundshëm të infeksionit.

“Sot i pash prindërit e mi për herë të parë pas tri javësh! Edhe pse nuk munda t’i përqafoj, tash për tash jam e lumtur që arrita t’i shoh”, ka shpjeguar ajo në Instagram.

View this post on Instagram

Today was the first time I got to see my parents in almost 3 weeks!!! Even though i did not get to hug them…. at this point I will take what I can get. They are doing well and are save and sound for now. Thank you so much for your continued well wishes love and support. We will get through this together. I love you all 💜 stay safe.

A post shared by Kelly Osbourne (@kellyosbourne) on Mar 26, 2020 at 6:16pm PDT

Me tej, vajza e këngëtarit të famshëm ka deklaruar se ata janë mirë me shëndet dhe i ka falënderuar të gjithë fansat për mesazhet dhe mbështetjet që po i japin familjes së saj.

Kujtojmë që 71-vjeçari Ozzy Osbourne ka konfirmuar se qe disa vite vuan nga sëmundja e Parkinsonit. /Telegrafi/