Projektligji për Investimet e huaja të drejtpërdrejta është miratuar përsëri nga Qeveria e Kosovës. Me këtë projektligj, tashmë parashihet që investitorët e huaj të kenë trajtim të barabartë me investitorët vendorë, kurse diaspora kosovare do të gëzojë të gjitha të drejtat dhe privilegjet e investitorëve të huaj. Analistët ekonomikë shfaqen skeptikë nëse projektligji do të miratohet në Kuvend.
Projektligji i ri për investimet e huaja, i kthyer nga Kuvendi në qeveri, është miratuar sërish nga kjo e fundit, me ndryshimet e kërkuara nga deputetët.
Ministrja e Tregtisë dhe Industrisë, Mimoza Kusari Lila, tha në mbledhjen e djeshme të qeverisë tha se projektligji rregullon mbrojtjen, promovimin dhe nxitjen e investimeve të huaja në Kosovë, dhe garanton mosdiskriminimin e tyre. Sipas saj, me këtë projektligj është paraparë përfshirja e diasporës kosovare si investitorë të huaj. “Edhe diaspora do t’i gëzojë të gjitha të drejtat dhe privilegjet të cilat i gëzojnë investitorët e huaj. Risi tjetër është se Kosova do t’iu jep investitorëve të huaj dhe investimeve të tyre trajtim të njëjtë dhe të barabartë me investitorët vendorë dhe investimet vendore”, tha ajo.
Investitorët e huaj dhe investimet e tyre do të jenë në pajtim dhe do të kenë të drejta dhe obligime me ligjin e aplikueshëm në Kosovë njëlloj si investitorët vendorë dhe investimet vendore, thuhet në projektligj.
Por, analistët ekonomikë shprehen skeptikë se projektligji, pavarësisht ndryshimeve, do të miratohet në Kuvend.
Ibrahim Rexhepi, drejtor i Qendrës për Hulumtime Strategjike e Sociale “STRAS”, tha për Radio Kosovën se projektligji ka kaluar nëpër shumë procedura dhe shfaq dyshime se në të janë përfshirë të gjitha ndryshimet e kërkuara. “Kosova është e njohur që ka mbajt ligje që mund të jenë të mira, por problemi është te moszbatimi i ligjeve, ngathtësia nëpër gjykata dhe në përgjithësi një sistem bukur i plogësht sa i përket mbrojtjes së investitorëve dhe të investimeve”, theksoi ai.
Sipas të dhënave të bankës Qendrore, nga viti 2000 deri në vitin 2012 investimet e huaja në Kosovë ishin në vlerë rreth 2 miliardë e 400 milionë euro. Vitin e kaluar ato ishin në vlerën më të ultë, 232 milionë euro, kurse gjatë tremujorit të parë të këtij viti, ishin ne vlerë rreth 60 milionë euro, me një rritje rreth 7 për qind krahasuar me periudhën e njëjtë të vitit të kaluar. /Telegrafi/
Promo
Reklamo këtuLufta Prigozhin - Putin
Më shumëKush është vajza biznesmene që po pushton tregun muzikor?
3, 2, 1 - Volvo gati për ty!
24 orë na ndajnë nga ngjarja e madhe Halving në Bitcoin
Kosova përfiton 90 milionë euro nga Banka Botërore
Mesazhet iraniane ulën çmimet e naftës në tregun botëror
B&M ofron Trajnim dhe certifikim për Operuesit e Vinçave, Auto Vinçave, Pirunierëve, Ashensorëve të ndërtimit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel