Burim Gashi, 41 vjeç, të dielën është shtrirë në Klinikën Infektive në Prishtinë, pas përkeqësimit të gjendjes me koronavirus. Mjekët menjëherë i kanë thënë se duhet të marrë ilaçin Remdesivir. Qendra Klinike Universitare e Kosovës ende nuk ka arritur ta sigurojë këtë ilaç, i cili përdoret për të trajtuar sëmundjen COVID-19, kurse në treg, ai mund të blihet me një çmim nga 150 deri në 200 euro.
Bashkëshortja e Gashit, Jehona Zhitia, thotë për Radion Evropa e Lirë se ka qenë e detyruar të bëjë ‘pazar’ për të siguruar këtë ilaç.
“Me rekomandim të mjekëve është thënë se (për Burimin) duhet menjëherë të merret ilaçi tashmë shumë i përfolur Remdesivir. Sigurimi i këtij ilaçi është i vështirë këtyre ditëve në Kosovë. Ai në treg është me çmime të ndryshme. Ky ilaç po shitet e po blihet në forma të ndryshme, veç farmacive, në disa pika të caktuar edhe disa individë e kanë sjellë vetë tek oborri i klinikës”, tha ajo.
“Më është dashur vetë të bëj pazar për ilaçin. Çmimi i këtij ilaçi sillet nga 50 euro deri në 220 euro (varësisht prej prodhuesit)”, tha Zhitia.
Zhitia po ashtu shton se në Klinikën Infektive të Qendrës Klinike Universitare të Kosovës, ka mungesë edhe të barnave esenciale.
Zemaj: Pritet sigurimi i Remdesivirit për 200 pacientë
Në anën tjetër, Ministria e Shëndetësisë (MSH) është në procedurat e fundit të prokurimit sa i përket furnizimit me ilaçin Remdesivir, i cili përdoret për të trajtuar sëmundjen COVID-19, që e shkakton koronavirusi i ri.
Por, nga MSH-ja thonë se do të sigurojnë këtë ilaç vetëm për 200 pacientë.
“Planifikim është bërë në kohën, ndoshta kur shtatori, tetori kishte numër më të ultë të pacientëve të shtrirë në klinikat tona”, tha për Radion Evropa e Lirë, ministri i Shëndetësisë në Qeverinë e Kosovës, Armend Zemaj.
Remdesiviri i përket një klase të ilaçeve të njohura si “zëvendësim i nukleozidit”, të cilat përdoren gjerësisht në trajtimin e kancereve, viruseve dhe infeksioneve të ndryshme.
Administrata amerikane për Ushqim dhe Ilaçe në maj ka miratuar Remdesivirin si ilaç që mund të përdoret për trajtimin e koronavirusit të ri.
Ndërkohë, Organizata Botërore e Shëndetësisë (OBSH) thotë se ky ilaç ka pak ose aspak rezultate në luftimin e sëmundjes COVID-19.
Mjekimi nga COVID-19 në Kosovë, ku një rrogë mesatare është rreth 500 euro e niveli i papunësisë rreth 30 për qind, kushton me qindra euro. Antibiotikë, paracetamol, vitamina të ndryshme, fraksiparina, albumina janë disa nga medikamentet që përdoren nga pacientët me COVID-19.
Ministri Armend Zemaj thotë se ministria është duke punuar që t’i ndihmojë qytetarët me aq sa kanë mundësi buxhetore për blerjen e barnave, të cilat nuk janë në listën esenciale, për trajtimin e koronavirusit.
“Ajo që duhet të theksohet është se këto janë barna (Remdesiviri dhe Favirini) nuk janë në listën esenciale, por prapëseprapë ne mendojmë dhe besoj se duhet t’u dalim në ndihmë pacientëve dhe qytetarëve, duke parë se ka një kosto marrja e këtij bari. Në raste të caktuar preferohet apo sugjerohet edhe nga klinicistët”, tha ministri Zemaj.
Komisioni për Shëndetësi dhe Mirëqenie Sociale i Kuvendit të Kosovës është duke monitoruar punën e institucioneve shëndetësore publike, për të parë nëse ka trajtim adekuat dhe të mjaftueshëm për qytetarët. Kryetarja e këtij komisioni, Albena Reshitaj tha për Radion Evropa e Lirë se shteti duhet të sigurojë të gjitha medikamentet për trajtimin e pacientëve me koronavirus.
“Duhet që shteti t’ju sigurojë të gjithë pacientëve të marrin këtë terapi sepse në bazë të një analize, terapia te pacientët të cilët kanë simptoma të rënda me COVID-19, shkon nga 2,000 deri 3,000 euro për një individ. Prandaj është shumë e vështirë që pacientët të kenë mundësi ta paguajnë vetë. Pikërisht mbi këtë çështje është përgjegjësi institucionale e shtetit për t’ua siguruar terapinë pacientëve të cilët kanë nevojë”, tha Reshitaj.
Prej 13 marsit, kur janë regjistruar rastet e para me koronavirus në Kosovë, autoritetet shëndetësore kanë raportuar për 35, 549 të prekur nga sëmundja COVID-19, që shkakton koronavirusi.
Prej tyre 939 pacientë kanë vdekur.
Promo
Reklamo këtuLufta Prigozhin - Putin
Më shumëPse Mali i Zi votoi kundër Kosovës në KiE, flet Dritan Abazoviq
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri
Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Madam, stili jot lyp këpucë franceze?
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Më të lexuarat
Pse Mali i Zi votoi kundër Kosovës në KiE, flet Dritan Abazoviq
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev
Reagon babai i Olti Hysenit, pas deklaratës 'bombastike' të lojtarit të talentuar
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia