DJ Dagz dhe Einxhel Shkira janë bërë ndër personat më të dashur për publikun edhe pas përfundimit të Big Brother VIP.
Ata krijuan një lidhje dashurie brenda, ndërsa po vazhdojnë të shijojnë çdo moment bashkë.
Çifti kanë dhënë së fundmi një intervistë për “Natën me Aulonën” dhe kanë folur për mënyrën si ka ecur romanca e tyre dhe për planet e së ardhmes.
Ndër të tjera u përmend dhe prindërimi, ku DJ nga Kosova dukshëm ishte i bindur se do të jetë një baba shembullor.
“Një baba i mirë do jem, sigurt”, ishte kjo përgjigja e Dagz kur Einxhel e pyeti nëse do të provojë të jetë burri i saj.
Sa i përket takimit me familjarët, dyshja kanë zbuluar se janë takuar me anëtarët e familjes së njëri-tjetrit.
Megjithatë, ata nuk kanë rrëfyer ndonjë plan tjetër për një fejesë të mundshme duke ia lënë kohës çdo gjë.
Sido që të jetë, Dagz dhe Einxhel po vazhdojnë të jenë më të fokusuar me projektet e tyre në fushën profesionale. /Telegrafi/
