Edhe pse i lyejmë flokët prej shumë kohësh, shumë nga ne ulen te karrigia e floktarit pa u përgatitur siç duhet më parë
Këtu nuk bëhet fjalë vetëm për dyshimet që kemi kohë pas kohe për ngjyrën, por edhe për faktin që flokët kanë nevojë për përgatitje.
Për të pasur rezultatet që dëshirojmë, është më mirë të bashkëpunojmë me parukieren.
Do të ishte ideale të shkonin në sallon me flokët e përgatitur për sulmin e produkteve kimike që çdo ngjyrues shkakton. Ja si t’i përgatisim:
Këshilla 1. Përdor vaj kokosi, katër ditë para bojës
Nëse dëshironi t’i hapni flokët, pra të kaloni nga një nuancë më e mbyllur në një më të hapur, mund t’i parapërgatisni 4 ditë para se të shkoni në parukeri me një maskë me vaj kokosi.
Vaji i kokosit ka një efekt të shëndetshëm në flokë. Edhe më mirë nëse përdorni vaj të pastër dhe organik.
Aplikojeni 4 ditë para bojës, lëreni një natë të tërë dhe në mëngjes, hiqeni duke e larë një ose dy herë me shampon.
Këshilla 2. Mos i lani flokët tri ditët e radhës
Pas maskës me vaj kokosi, mos i lani më flokët, por shkoni me flokë të papastër prej tri ditësh.
Kjo është një mbrojtje natyrale për flokët dhe lëkurën e kokës. Nga maska me vaj kokosi lëkura e kokës nuk do të acarohet aq lehtë nga produktet kimike, duke i mbrojtur dhe reduktuar efektin e bojës në flokë.
Sigurisht, mund të bëni një maskë edhe nëse nuk keni ndërmend të hapni ngjyrën e flokëve. Vetëm mirë bën.
Nëse flokët janë të yndyrshëm dhe nuk mund të qëndroni tri ditë pa i larë, bëjeni maskën aq ditë përpara sa flokët mund të rezistojnë. /Telegrafi/
