LAJMI I FUNDIT:

Pantic paralajmëron barrikada të reja në veri

Pantic paralajmëron barrikada të reja në veri

Kryetari ilegal i Mitrovicës në veri, Krstimir Pantic, nuk përjashton mundësinë e vendosjes së barrikadave të reja në rrugët dhe vendkalimet kufitare në veri, në qoftë se serbët e veriut nuk marrin garancitë e kërkuara lidhur zbatimin e marrëveshjes për Menaxhimin e Integruar të Kufirit.

“Barrikadat janë të mundshme, por shpresoj se nuk do të vijë deri te një situatë e tillë ", ka thënë Pantic në një intervistë për agjencinë serbe Tanjug.

Përfaqësuesit e katër komunave serbe nga veriu i Kosovës, siç është paralajmëruar, të martën (4 dhjetor) do të takohen sërish me presidentin e Serbisë, Tomislav Nikolic, i cili do t’ua dorëzojë atyre protokollin e nënshkruar për implementimin e marrëveshjes për Menaxhimin e Integruar të Kufirit, në mënyrë që pastaj Kuvendi i komunave të veriut të përcaktohet lidhur me hapat e mëtejmë.

Serbët e veriut kërkojnë garanci të fortë se mallrat nga veriu i Kosovës nuk do të zhdoganohen në vendkalimet kufitare në Jarinë dhe Bërnjak, se serbëve nuk do t’iu imponohen dokumentet e Kosovës, dhe se nuk do t’ju konfiskohen patentshoferët dhe targat që lëshohen nga MUP-i serb, ka precizuar Pantic.

“Kërkojmë dhe insistojmë që pikëkalimt të jenë vërtetë vendkalime administrative, e jo kufij siç dëshirojnë shqiptarët”, tha Pantic.

Ai ka thënë se kur bëhet fjalë për grumbullimin e mjeteve nga taksat doganore ekziston propozimi që pjesa më e madhe e mjeteve të arkëtuara të derdhen në fondin komunave në veri, por ende nuk është e qartë nëse kjo do të realizohet përmes buxhetit të Kosovës, apo do të gjendet ndonjë model tjetër.

Pantic ka theksuar se serbët e veriut nuk dëshirojnë konflikt me Qeverinë e Serbisë, por do të përpiqen të shfrytëzojnë të gjitha mjetet e lejuara demokratike për të shprehur mospajtimin me përpjekjet që t’ju imponohet diçka, që sipas tij, është e panatyrshme. /Telegrafi/

Në trend Lajme

Më shumë
PDK voton kryesinë e re - pësojnë ndryshime në pozita disa prej figurave të njohura të kësaj partie

PDK voton kryesinë e re - pësojnë ndryshime në pozita disa prej figurave të njohura të kësaj partie

Lajme
Pamje nga të shtënat ku nisi konflikti në Prishtinë, ku humbën jetën dy persona

Pamje nga të shtënat ku nisi konflikti në Prishtinë, ku humbën jetën dy persona

Kronika e Zezë
Një derë e re për drejtësi: Si do të mund t'i drejtohen kosovarët Gjykatës së Strasburgut?

Një derë e re për drejtësi: Si do të mund t'i drejtohen kosovarët Gjykatës së Strasburgut?

Drejtësi
Gjendet në një humnerë personi i raportuar si i zhdukur në Prevallë

Gjendet në një humnerë personi i raportuar si i zhdukur në Prevallë

Kronika e Zezë
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Juristat e UP-së të tretët në botë në garën ndërkombëtare për drejtësi

Juristat e UP-së të tretët në botë në garën ndërkombëtare për drejtësi

Arsim
Kalo në kategori