Pamje të reja të publikuara tregojnë momentin kur një supremacist i supozuar i bardhë me veturën e tij u vërsul drejt turmës që po protestonin në një miting në Charlottesville të Virxhinias të shtunën.
Siç thuhet më tej, përcjell Telegrafi, videoja e bërë me dron tregon dhjetëra njerëz që u mblodhën në një kryqëzim, disa blloqe nga statuja e Robert E. Lee, ku supremacistët e bardhë dhe protestuesit u përplasën rreth heqjes së planifikuar të statujës.
Papritmas, një veturë Dodge Challenger përplaset për dy makina të tjera, duke i shtyrë ata në kryqëzim në mënyrë që ata të godasin dhjetëra njerëz dhe të bëjnë që turmat të shpërndahen në panik.
Mediat ndërkohë kanë shkruar se shoferi i veturës Dodge Challenger është në paraburgim nën akuzën për vrasje të shkallës së dytë, ndërsa si pasojë e veprimit të tij ka mbetur e vdekur në vend një grua dhe mbi 20 tjerë janë lënduar rëndë. /Telegrafi/
