0Shares

OBRM-PDUKM sonte do të zgjedh Komitetin Ekzekutiv të partisë. Më herët Komiteti Qendror duhet të vendos kush do të anëtarësohet në atë ekzekutiv.

Sipas paralajmërimeve, në Komitetin e ri Ekzekutiv pritet të futen shumë fytyre të reja, ndërsa ato më të vjetërat të largohen, përcjell Telegrafi Maqedoni.

Këto ndryshime në udhëheqësinë e partisë vijnë në kohën kur OBRM-PDUKM-ja nuk merr pjesë në punën e Kuvendit, për shkak të arrestimit të disa anëtarëve dhe deputetëve të tyre, të cilët janë të dyshuar për ngjarjet e 27 prillit.

Përkrah ndryshimeve kadrovike, partia opozitare maqedonase paralajmëron edhe ndryshime statutare në pajtim me partitë popullore evropiane.

Është paralajmëruar edhe zgjedhja e nënkryetarëve të rinj, diçka që nuk ndodhi gjatë kohës së Nikolla Gruevskit.

TV Telma njofton se asnjëri nga ata që kërkuan shtyrje të kongresit të partisë, nuk janë ftuar në mbledhjen e sotme, mes të cilëve janë edhe Ilija Dimovski dhe Antonio Milloshoski./Telegrafi/

Të Ngjajshme
Shfaq Komentet (0)