Noizy ka qenë mysafir në emisionin Oktapod përballë Turjan Hyskës, ku mes tjerash ka thënë se nuk i njeh Babastarsat.
Gjatë intervistës, reperi ka bërë të ditur se është pajtuar me Ledri Vulën, ndërsa në ngacmimin që moderatori i bën për liderin e Babastars, Getoar Selimi, Noizy përgjigjet se e njeh si fituesin e Eurosongut, duke aluduar me ironi për Konçitën, këngëtaren transeksuale me mjekër që e fitoi atë festival.
Më tej, reperi i mirënjohur ka njoftuar për nxjerrjen e një albumi të ri në muajin prill. Ai ka thënë se albumi do të titullohet “ZinCity” dhe do të përmbajë 18 këngë, shtatë prej të cilave edhe me klipe.
Ai njëherësh ka njoftuar edhe për regjistrimin e “një patente” për brandin e disa këngëtarëve OTR, duke e konsideruar këtë një ‘label’ ndërkombëtar, si revolucion për muzikën.
Në përgjigjet e tij, Noizy pranoi se po e zhvillon industrinë e muzikës dhe me të ardhurat që përfiton, mund të krahasohet me biznesmenët më të mëdhenj shqiptarë.
Reperi pranon se të ardhurat nga çdo koncert i arrijnë deri në 15 mijë euro.
Duke u kthyer disi në memorie, Rigels Rajku, siç e ka emrin e tij reperi, u shpreh se me pasionin që kishte për boksin, mund të ishte bërë dhe kampion bote, pasi jo vetëm që sa kohë e ushtroi sportin nuk njohu asnjë humbje, por edhe se i ishte dedikuar 24 orë në 24 këtij pasioni.
Lidhur me aktivitetet bamirëse që ka ndërmarrë kohët e fundit, Noizy thotë se i bën me shpirt, pasi sipas tij, edhe pse duket tip i fortë nga jashtë, brenda është shumë i ndjeshëm. Për më shumë, ndiqeni videon.
