Të paktën dy shpërthime tronditën zonën e aeroportit të Kabulit. Sipas mediave botërore, duke iu referuar burimeve të inteligjencës, një shpërthim ndodhi pranë portës së aeroportit, ndërsa tjetri ishte pranë Hotel Baron, ku qytetarët serbë po qëndronin javën e kaluar para evakuimit nga Afganistani.
Pronari i hotelit Baron konfirmoi për mediat se asnjë nga njerëzit në kohën e sulmit nuk u plagos.
“Si pronar i hotelit, konfirmoj se nuk ka viktima apo të lënduar në hotel. Shpërthimi ishte jashtë hotelit. Më vjen shumë keq për të gjitha viktimat e pafajshme”, shkroi pronari në Twitter, transmeton Telegrafi.
As the owner of The Baron Hotel Kabul, I confirm there are no casualties or damage to the property inside. The explosion was outside the hotel & I regret the loss of innocent lives #Kabul #kabulairport #explosion @cnni @SkyNews @BBCBreaking @ramsaysky
— Mumtaz Muslim (@MumtazMuslim) August 26, 2021
Sipas burimeve të sigurisë, një kamikaz shpërtheu veten në hyrje të hotelit, ndërsa jo shumë larg portës, një veturë dyshohet se u hodh në erë. Të paktën 13 persona u vranë në sulme, përfshirë fëmijë dhe dhjetëra njerëz u plagosën.
Pentagoni konfirmoi informacionin në lidhje me shpërthimet dhe shtoi se tani për tani nuk ka informacion të saktë në lidhje me numrin e viktimave, dhe se ka ushtarë amerikanë në mesin e të plagosurve.
Ndryshe, Hotel Baron ndodhet disa dhjetëra metra nga porta e aeroportit. Pamjet e shpërthimit të dyshuar para hotelit po qarkullojnë në rrjetet sociale, megjithatë, vërtetësia e tyre nuk është konfirmuar. /Telegrafi/
https://twitter.com/RohitDwi143/status/1430946513434255362